Isaya 8:7 - Bhiblia Yo Sawuleka

⁷ Wona taku, Mkoma a na tisa mati a mtamo, a mnamboni, txitimwi kwawe, ngu ti to, mfumeli wa Asiriya ni wudhumo wakwe wotshe a nata ngu milonga yakwe yotshe e khulungela ka yotshe milonga yakwe;

Isaya 8:7 Referans Kwoze

Amosi 9:5

Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Isaya 7:20

Ka ditshiku dile, Mkoma a na kuyula vathu ngu limo lo hinda, li ku mtxhatuko ka mnambo, i ku mfumeli wa Asiriya, a no kuyula msungo, ni mapfhepfheleti a mu ka minenge, ni otshe maletu.

Isaya 7:17

Aniko Mkoma a na tisa txitimwi kwako, ni txitimwi ka vathu vako, ni txitimwi ka nyumba ya tate wako, ngu mfumeli wa Asiriya, masiku o nga ale, ma si khaliko kuta, kukhukhela ditshiku dile Efrayime a nga hambana ni Judha.

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Nahume 1:8

Se ngu ndambi yo khulunga, a na lovisa wukhalo wawe do gwita, se txidema txi na tutumisa valala vakwe.

Dhaniyeli 11:22

Se ngu mawoko amangi, va na thaviswa masoni kwakwe; kambe va na fuviswa kufana ni mthangeli wa txitumelelano.

Dhaniyeli 11:10

Aniko vanana vakwe va na lwa, va na sengeleta mtengo wa hombe wa mabutho; se mmweyo wawe a nata ngu kukuluveta e ta fenengeta e pinda; se a txi wuya a na teka yimbi kala mkhokholani kwakwe.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Masalmo 72:8

Ene a na fume kukhukhela ka limbe linene kala ka limwani, kukhukhela ka mnambo wa Ewufrate kala magemeta-mitshi ka mafu.

Luka 6:48

A fana ni m'thu wu a akako nyumba, awu a nga kela e hokomisa, a txi veka makhato ha dirigwini; se ngako yi txi ta ndambi, mtalo wa mati wu yi peka, kha yi dekadeki, nguko yi akilwe kha kwati.

Ezra 4:10

ni vamwani vathu, va nga tekwa ngu wa hombe ni wa nduma, Osinapari, a txi ya va maha vazumbi va didhoropa da Samariya, ni vamwani va mtxhatuko ka mnambo, ka yona mbimo yile.

2 Vafumeli 19:32

Ngu toneto, Mkoma a womba tiya ngu mhaka ya mfumeli wa Asiriya: Kha na mbi wulela ka diya didhoropa, hambi kujangetwa lingove limwelo; kha ku na mbi wulela txitxhangu ni txa tximwetxo, hambi ka mibhala yo sisala ka yona.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Isaya 28:2

Wonani taku Mkoma a na rumela wamwamna wa ndena, wa mtamo ngutu, kufana ni kuwa ka maralala, kuxanisa ko khundumusa, ni ku nga txihuhuri txo karata ngutu, txa mati ya ma khulungako, a na va wisa ha mafuni.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Jeremiya 47:2

Mkoma a khene: Ndiya ma guleka mati a Wuphemba, ma na maha mnambo wu khulungako ni kuthekelela, ma na talela ditiko ni wungi wa sotshe si kuho ka dona, didhoropa ni votshe va zumbako ka dona; vavamna va na peka huwa, ni votshe va ku ditikoni va na dila.

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Ezekhiyele 26:19

Nguko Mkoma Txizimu a khene: Mbimo yi ni no kumaha didhoropa da dirumbi, nga madhoropa ale ma kuwalo vo zumba, aha ni no maha kuhokoma kwako, se mati o tala ma txi kumita,

Mika 1:9

Nguko txilonda txako kha txi holiswi, nguko txi hokile kala ka Judha; txi endelekile kala ha txikeni ka vathu vangu, kona Jerusalema.

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Masalmo 46:4

Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

Isaya 28:15

Nguko mi khanu: Hi mahile txitumelelano ni lifo, hi mahile txitumelelano ni wukhalo wa vafi; mbimo yi ku no pinda ndambi ya txitsayiso, kha yi na mbi hi hokela, nguko hi tekile makuhu hi ma maha wuthavelo wathu, se hi baramile hahatshi ka wukanganyisi.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.