Isaya 8:22 - Bhiblia Yo Sawuleka

²² Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Isaya 8:22 Referans Kwoze

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Matewu 22:13

Sekoko mfumeli a to khene ka sithumi: ‘Mu sungeni minenge ni mawoko, mi mu tshotsha txidemani ka hahanze, ahawa ku no va i di ka tihuwa ni kugegeresela ka makwasa.’

Matewu 8:12

Kambe vanana va Mfumo va na tshotshwa hahanze mtemani, ahawa ku no va ni tihuwa ni kugegeresela ka makwasa.”

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Jobe 18:18

Ngu kuwonekelani va na mtshotsha txidemani, kambe va na mtutumisa ha ditikoni.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Jeremiya 23:12

Ngu konaho, nzila yawe yi na va ni makhalo o rithimukela amu txidemani, va na rethwa va txi wa ka yona, ni na va nehela dikhombo ka dilembe da kupekwa kwawe, kuwomba Mkoma!

Isaya 9:1

Aniko ditiko di di nga xomulwa kha di na mbi va ni txidema. Ngu timbimo to khata, Mkoma a vekile hahatshi ditiko da Zebhuloni, ni ditiko da Naftali; aniko ngu magwito a na guleta ditiko da Galileya ka vamatiko, di ku hafuhi ni nzila ya linene, mtxhatuko ka Jordhani.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Mtuletelo 16:10

Ngelozi ya wutxhanu yi to theketa digombe da yona txitimwi ka txikhalo txa wukoma txa txikalani. Se mfumo wa txona wu to sala mtemani, vathu ve ti luma tidimi ngu kupandiseka;

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Isaya 59:9

Ngu mhaka yeto, kulamulwa ku kule ninathu, ni kululama kha ku hi hokeli; hi verela liwoningo, kambe hi mana txidema dwe; hi lava kutsimbila mu ko wonekela, kambe hi tsimbila txidemani.

Eksodha 10:21

Sekoko Mkoma a to khene ka Mosi: “Guleta dianza dako u txi di komba nzumani, kasi ku ku txi maneka txidema txa hombe, txo hambi vathu va nga txi gwesa.”

Eksodha 10:22

Se Mosi a to guleta dianza dakwe a txi di komba nzumani, aha ku nga maneka txidema ka dotshe ditiko da Egipta, mndani ka masiku mararu.

Isaya 50:3

Ani na ambeka nzuma ngu txidema, ni yi fenengeta ngu nguwo ya disaka do dhimba.

Isaya 60:2

Nguko wona taku, txidema txi fenengetile mafu, ni kuphuma ku fenengetile vathu, se Mkoma a na humelela txitimwi kwako, ni wudhumo wakwe wu na woneka txitimwi kwako.