Isaya 8:20 - Bhiblia Yo Sawuleka

²⁰ Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Isaya 8:20 Referans Kwoze

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.

Varoma 1:22

Va kha vona va ziva, kuve nzipumbu.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Isaya 8:16

Sungelela wufakazi, u tsanisa mlayo hagari ka vagondiswa vangu.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

2 Pedro 1:9

Nguko, awu a ku si nga naso siya sotshe, ndibhofu, kha woni kule, kambe a divate ti to a basisilwe ka sionho sakwe sa kale.

Matewu 22:29

Jesu a to va xamula a txi khene: “Mi timete ngutu, nguko kha mi yi zivi Mibhalo ni mtamo wa Txizimu.

Matewu 6:23

Aniko, ngako diso dako di di bihile, wotshe mmidi wako wu na va mtemani. Ngu toneto, ngako liwoningo li li ku kwako i di txidema, txidema txa kona txi na va txo kulisa kutxani!”

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

Luka 10:26

Jesu a xamute a txi khene: “Ti bhatwe to txani amu ka Mlayo? Kasi awe u gondisa kutxani kani?”

Masalmo 78:5

Ene a ningile mithetho ka va ka Israyeli, a ningile mlayo ka situkulwana sa Jakobe. A leletile ka vakale vathu ti to ve gondisa milayo yiya ka situkulwana sawe,

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Ezra 10:3

Konkuwa koko, a hi maheni txitumelelano ni Txizimu txathu, txaku hi na tshumeta votshe vasikati ni vanana vawe, madingano ni txilayelo txa Mkoma, ni txirumo txa Txizimu txathu; ti mahwa madingano ni Mlayo.

Marku 10:3

Ene a to angula a txi khene “Mosi a mi layisile kutxani?”