Isaya 8:19 - Bhiblia Yo Sawuleka

¹⁹ Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Isaya 8:19 Referans Kwoze

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

Masalmo 106:28

Se va to khozela Bhahali-Peyori, va txi dya timhamba to mahelwa vafi.

Levhi 19:31

Mi nga yeni ka vanyamsoro, hambi ka vanyatixolo, mi nga thuke mi txi ya ka vona, nguko mi nga ti nyenyezisa: Ani ngani Mkoma, Txizimu txanu.

Isaya 29:4

Sekoko u na wiswa hahatshi, u na womba-womba u di hahatshi ka mafu, se kuwombawomba kwako ku na huma ngu lithuluni, ku si nga ni mtamo, ni dipswi dako di na huma ngu hahatshi ka mafu, kufana ni dipswi da mloyi, ni kuwombawomba kwako ku na veta mloti kukhukhela lithuluni.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

1 Samuwele 28:8

Se Sawule a to ti hundula ngu ku ambala simwani simaha, e khukha ene ni vamna vambidi veya ka wule wa msikati ni wusiku; a txi ya khene: Nikombela ti to wu ni xaxula ngu sikwembu sako, u ni dhanela wule ani ni no kugela.

Dhewuteronome 18:11

hambi wo thumisa wuloyi, ni wu a fembako, mwendo kuxaxuva, ni ku wotisa ka va kufa,

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

2 Vafumeli 1:3

Aniko Ngelozi ya Mkoma yi to kha yona ka Elija wa Tisibha: Khukha u kwelela u na manana ni mitumi ya mfumeli wa Samariya, u na khawe kwawe: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani?

2 Vafumeli 23:24

Se vahuti ni vaxaxuvi, ni materafini ni sithungulu, ni otshe manyala ale ma nga ti ti woneka ditikoni ka Judha ni Jerusalema, a to si fuvisa, kasi kutsanisa mapswi a mlayo, ma nga ti ti bhatwe ka dibhuku dile mprofeti Hilikiya a ngadi mana Nyumbani ka Mkoma.

1 Samuwele 28:16

Sekoko Samuwele a to khene: Se u ni wotisela txani na wu txi ti wona taku Mkoma a ku lekile, ni ti to a mahile mlala wako kani?

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

1 Samuwele 28:11

Sekoko wamsikati a to m'gela ku khene: Ni kudhanela mani kani? Se Sawule a nje khene: Ni dhanele Samuwele.

1 Vatesalonika 1:9

Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri;

Mithumo 16:16

Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Genesisi 41:24

Se mihumbo yile ya miburu, yi to khadamula yile ya mtxhanu ni yimbidi yo pfuna. Ani ni xawutete ka vale vo txhariha, aniko kha ka maneka ni wammweyo wo ni txhamuselo.

Isaya 26:14

Va txi fa vona, kha va na mbi tshumela ve hanya; va txifa, kha va na mbi wuka; ngu toneto, u va endete, u va lovisile, u fuvisa ni ku va alakanya ka kona.

Isaya 30:2

Va relelako veya Egipta, na va si wotisi txilo kwangu, kasi kuya ti tsanisa ngu mtamo wa Faro, ni kuveka themba yawe ka mtsudi wa Egipta!

Isaya 45:11

A womba tiya Mkoma, Msawuleki wa ka Israyeli, wule a nga m'va nga: Ni wotiseni ta masiku ale matako; mi na lava kuziva mhaka ya vanana vangu, ni mhaka ya mthumo wa manza angu.

Isaya 47:12

Zumba ni sixamaliso sako, ni mtalo wa wuloyi, wule u nga thuma ka wona kukhukhela wuphyani wako, mwendo u nga thuka u mana kuhumelela, ni ti to mwendo u nga dhuka u mana kutsana.

Isaya 47:13

U ti karalisile ngu kuxaxuwa kotala; va na wuke koko konkuwa, avale va pimako nzuma, vale va nga ti wonetela tinyeleti, va va hutako kumeka ka mtxima, va na ku hulukise ka ti ti nota txitimwi kwako.

Jeremiya 27:9

Ngu konaho, mi nga dhuke mi txi engisa vaprofeti vanu, ni vale vo hutetela, ni miloro yanu, ni mitimu yanu, hambi matiloti anu, ngako va txi womba kwanu, va txi kha vona: Mi nga thumeleni mfumeli wa Bhabhilona!

Mika 5:12

se ni na thavisa wuloyi manzani kwako, kambe khu na mbi va ni vanyawuthi;

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

1 Samuwele 28:7

Sekoko Sawule a to khene ka sithumi sakwe: Ni laveleni wamsikati wule a ku ni sikwembu, kasiku ni tsula kwakwe ni ya mwotisa. Se sithumi sakwe si to kha sona kwakwe: Wona taku, aho wamsikati a ku ni sikwembu kona Eni-Dhori.