Isaya 8:18 - Bhiblia Yo Sawuleka

¹⁸ Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Isaya 8:18 Referans Kwoze

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Masalmo 71:7

Ni txixamaliso ka vavangi, nguko awe u wuthavelo wangu.

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Masalmo 22:30

Vatukulu vawe va na mthumela; va na xawutela ka liveleko ni liveleko.

Masalmo 9:11

Embelelani ka Mkoma, a fumako Siyoni, huwelelani mithumo yakwe hagari ka mifumo.

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Isaya 7:16

Ngu ditshuri, mwanana wuwa, a sinzi kuziva kulamba to biha ni kusawula tinene, ditiko edo u thavako vafumeli vambidi va dona, di na maha dirumbi.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

1 Makronika 23:25

Nguko Dhavhidha a ti khene: Mkoma Txizimu txa Israyeli, a ningile kuhumula ka vathu, aniko a na zumba Jerusalema ngu ha ku si gwitiko.

Vahebheru 10:33

Ka timwani timbimo, i ti anu mi nga ti tseketselwa masoni ka vathu, mi txi ruketelwa ni kuxaniswa; kambe ka timwani timbimo, mi xanisekile kumweko ni vale va nga ti ka sixaniso so nga toneto.

Isaya 7:3

Sekoko Mkoma a to khene ka Isaya: Humani konkuwa, awe ni mwanako Seyari Jasubhi, mi hingeta Akazi, mi na ya mmana magwito ka mlonga wa hombe, ka nzila yi yi ku hafuhi ni thembwe ya mkuwuli.

Ezekhiyele 14:8

Se ni na mronokela eyo m'thu, ni na mmaha txixamaliso, txikombiso ni divingu, kambe ni na mthavisa hagari ka vathu vangu; mi na tiziva taku ani ngani Mkoma.

Isaya 8:3

Ni to ya zivana ni msikati wangu, i ku mprofeti wa txisikati; se ene a to khura txirumbu, e veleka mwanana wa m'zambi; Mkoma a to khene kwangu: U na mraya ditina daku i Mayeri-Salali-Hasi-Bhazi.

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Dhewuteronome 28:46

Makhombo awa ma nava i di txikombiso ni txidiwukiso masoni kwako, ni ka liveleko lako, kala kupinduka,

Isaya 20:3

Sekoko Mkoma a to khene: Nga kule Isaya txithumi txangu, a nga tsimbila-tsimbite malembe mararu i di txibwiri, asi nga ni tikathula mikondoni, njikombiso txo xamalisa, txa dikhombo, txitimwi ka Egipta, ni txitimwi ka Etiyopiya,

Jeremiya 44:29

Atxiya txi na va txikombiso kwanu, kuwomba Mkoma, ani ni na mi tsayisa ka wuwa wukhalo, kuva mi txi na ziva tito, kha ditshuri, mapswi angu ma na mi wukela.

Ezekhiyele 4:3

Aniko, awe lava dipani da simbi, u txi di maha diguma hahanze, hagari kwako ni didhoropa, se u txi di rendekela; di na randeliswa eto, u na di randela; eto ti na maha txikombiso ka nyumba ya ka a Israyeli.

Ezekhiyele 12:6

U na si pakata na va txi kuwona, kambe u na si thavisa ku di phumile, na u di tsivile khohe, kasi ku u si woni mafu; nguko ni ku ningete ku va txikombiso txo xamalisa, nyumbani ka Israyeli.

Masalmo 9:12

Ene a alakanyela ava va xuphekako a txi va xayisa kha divali huwa ya va va xaniswako.

Luka 2:18

Se ava va nga tiengisa, ve xamala ngutu ngu totshe tile va nga gelwa ngu vadyisi.