Isaya 8:16 - Bhiblia Yo Sawuleka

¹⁶ Sungelela wufakazi, u tsanisa mlayo hagari ka vagondiswa vangu.

Isaya 8:16 Referans Kwoze

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Vahebheru 3:5

Se Mosi, a ti thembekile mndani ka yotshe Nyumba ya Txizimu, kota txithumi, kasi ku e maha fakazi ya totshe ti ti nga ti fanete kuwombwa.

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Mtuletelo 10:4

Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”

Mtuletelo 5:5

Aniko didhota dimwedo di ni malatile di txi kha dona: “U nga dile. Wona, ngonyamo ya lihunzu la Judha, Mkoloti wa lixaka la Dhavhidha, yi xute, ngu konaho ya sikota kutula dibhuku ni kukwamula sixambanyo sa dona sa mtxhanu ni simbidi.”

Mtuletelo 5:1

Msana keto, ni to wona awule a nga ti khalahatshile ha txikhaloni ka wukoma, a di ñote, ngu dianza da txinene, dibhuku do bhalwa mndani ni hahanze di di lemilwe ngu sixambanyo sa mtxhanu ni simbidi.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

Marku 10:10

Se ngako va di m'tini, vagondiswa va to engeta ve mu wotisa mhaka yiya.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.