Biblia Todo Logo
Bib sou entènèt

- Piblisite -




Isaya 8:13 - Bhiblia Yo Sawuleka

13 Sawulekisani Mkoma wa Mabutho a Tiyimbi, nguko ngene msawuleki wanu; ngene a thisako kwanu, ngene a dhukisako kwanu.

Gade chapit la Kopi




Isaya 8:13
18 Referans Kwoze  

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”


Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”


“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.


Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.


Txitumelelano txangu ni nene, i ti ti txa wutomi ni kudikha, se ani ni mningile txona kasi ku e ni thava; se a ni thavile e xamala ngu mhaka ya ditina dangu.


Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.


Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.


Ngu mhaka ya txithembiso txa Txizimu, kha nga kana-kana ngu txilo mu ka likholo, aniko a to tsaniswa kukholwani, na a txi dhumisa Txizimu,


Ngako mi nga ni eyisa txiwulani ka Zimi, kuhenyani ka msengeletano, mbimo yi ni nga ruma ku u ni phaxela matini, masoni kwawe: (Awa mati a Meribha wa Kadhesi, txiwulani ka Zimi).


Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.


Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”


Se masoni ka Mkoma, Txizimu txako, ka wukhalo wule a no wu sawula kasi ku ditina dakwe di txi zumba kona, u na dyela kona sa wugumi sa timbewu tako, sa vhinya yako ya yiphya, sa mtona wako, ni matiwula a tihomu tako ta vamakati, ni sa tinvuta tako; kasi ku u gonda kuthava Mkoma, Txizimu txako, otshe masiku.


Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.


Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.


Mi nga nyenyeziseni ditina dangu do sawuleka; kasiku ani ni txi dhumiswa hagari ka vanana va ka Israyeli: Ani ngani Mkoma, ni mahako ti to anu mi va vathu vo sawuleka.


Se a to teka tihomu timbidi e daya, e wilela ngu sihango, e si rumela ka dotshe ditiko da ka Israyeli ngu manza a mitumi, a txi khene: Ni wuhi wule a no mbi huma e londeta Sawule ni Samuwele, tihomu takwe ti na mahwa tonatiya. Sekoko kuthava Mkoma kutota txitimwi ka vathu, ve huma votshe ngu mbilu yimweyo.


Swiv nou:

Piblisite


Piblisite