Isaya 8:11 - Bhiblia Yo Sawuleka

¹¹ Nguko Mkoma a wombile kwangu ngu dianza dakwe da mtamo, kambe a ni gondisile ku ni si tsimbili ngu nzila ya vathu vava, a txi khene:

Isaya 8:11 Referans Kwoze

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Mithumo 4:20

Athu kha hi na kusikota kumalala ni ti hi nga ti wona, ni ti hi nga tiengisa.”

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.

Jeremiya 15:19

Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

Mavingu 1:15

Mwanangu, u nga tsimbile navo ngu tinzila tawe; vayilelisa mkondo wako ka tisoko tawe.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.