Isaya 8:1 - Bhiblia Yo Sawuleka

¹ Mkoma a to khene kambe kwangu: Teka txileti txa hombe, u bhala ka txona, ngu mibhalo ya hombe, u txi khawe: Kukuluveta kuhanda, kukuluveta kuxasela.

Isaya 8:1 Referans Kwoze

Isaya 30:8

Tsula koko konkuwa, u txi ya bhala tiya aha ka dipulango, masoni kwawe, kambe ti bhale amu ka dibhuku; kasi ku ti zumba ti di bhatwe, ka mbimo yitako, ngu ha ku si gwitiko, kala kupinduka.

Isaya 8:3

Ni to ya zivana ni msikati wangu, i ku mprofeti wa txisikati; se ene a to khura txirumbu, e veleka mwanana wa m'zambi; Mkoma a to khene kwangu: U na mraya ditina daku i Mayeri-Salali-Hasi-Bhazi.

Mtuletelo 21:17

Ngelozi yi to pima ni dona diguma: Di ti ni madingo a 144, i ku mapimelo a vathu, yi nga ti pima ngu ona ngelozi.

Mtuletelo 13:18

Ahawa kulaveka wutxhari! Awu a ku ni kupfisisa a na tumbule txibalo txiya txa txikalani, nguko txibalo txiya txi womba ditina da m'thu: Txibalo txa kona i 666.

Jeremiya 36:32

Sekoko Jeremiya a to teka dimwani dibhuku, a txi di ningela ka Bharuke, mwana Neriya, m'bhali, awu a nga bhala ka dona ati ti nga wombwa ngu Jeremiya, totshe timhaka ta dibhukwedo di nga hiswa ngu Jehoyakimu, mfumeli wa ka Judha; kambe ku engetetwe timhaka ta tingi to fana nito.

Jeremiya 36:28

Ti tekele dimwani dibhuku, u txi bhala ka dona totshe timhaka ti ti nga ti ka dibhuku do khata, adi di nga hiswa ngu Jehoyakimu mfumeli wa ka Judha.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

Isaya 8:16

Sungelela wufakazi, u tsanisa mlayo hagari ka vagondiswa vangu.

Jeremiya 30:2

Mkoma, Txizimu txa Israyeli a khene: Bhala amu ka dibhuku totshe timhaka tiya ni nga kugela.