Isaya 7:4 - Bhiblia Yo Sawuleka

⁴ Se u na khawe kwakwe: Ti wonele, u ti malalela; u nga thave, ni mbilu yako yi nga gume mtamo, ngu mhaka ya sikhwemu simbidi sa misonje, si pukukako wutshi, ngu mahaka ya kuhenya ka Rezimi, ni ka Siriya, ni ka mwana Remaliya.

Isaya 7:4 Referans Kwoze

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Sidilo 3:26

Ndinene ngako m'thu a txi laphisa mbilu a txi verela ngu kuthutha tito, Mkoma a na muhulukisa.

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Dhewuteronome 20:3

a txi khene kwawe: Engisani anu va ka Israyeli, Nyamsi tshuketani mi txi yalwa ni valala vanu; yi nga wike misana yanu; mi nga va thaveni, kambe mi nga dhudhumeleleni, hambi ku telwa ngu dizowa masoni kwawe,

Matewu 24:6

Mi na pfa va txi womba ngu tiyimbi ni maguwa a kulwa, aniko mi nga thaveni txilo. Atiya ti fanela kumaheka, aniko hi nga magwito.

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Amosi 4:11

Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

Isaya 10:24

Ngu kumaha keto, Mkoma, Txizimu txa Mabutho a Tiyimbi, a khene: Mi nga thaveni anu vathu vangu, mi zumbako Siyoni, Asiriya hambi a txi mi peka ngu ndonga, ni kuguleta m'gomba wakwe e mi wukela, ngu mamahelo a Vaegipta;

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

1 Samuwele 17:32

Se Dhavhidha a to khene ka Sawule: Ti nga gume mtamo timbilu ngu mhaka yakwe; txithumi txako txi na tsula txi yalwa ni Mufilista wuwa.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Isaya 37:6

Se Isaya a to va gela ku khene: Wombani tiya ka nyamne wanu: Mkoma a womba tiya: U nga thave mapswi ale u nga ma pfa, ale si nga ni ruketela ngu ona sithumi sa mfumeli wa Asiriya.

2 Vafumeli 15:27

Ka dilembe da mtxhanu wa magumi ni malembe mambidi a kufuma ka Azariya, mfumeli wa ka Judha, Peka, mwana Remaliya, a to khata kufuma txitimwi ka Israyeli, na a di Samariya, magumi mambidi a malembe.

Isaya 8:6

Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya.

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.