Isaya 7:3 - Bhiblia Yo Sawuleka

³ Sekoko Mkoma a to khene ka Isaya: Humani konkuwa, awe ni mwanako Seyari Jasubhi, mi hingeta Akazi, mi na ya mmana magwito ka mlonga wa hombe, ka nzila yi yi ku hafuhi ni thembwe ya mkuwuli.

Isaya 7:3 Referans Kwoze

Isaya 36:2

Sekoko mfumeli wa Asiriya a to rumela Rabhisake, ni dibutho da hombe da yimbi, ka mfumeli Ezekhiya, kukhukhela Lakisi kala Jerusalema; se a to ema hafuhi ni likasa la txisima txa txitimwi ngutu, hafuhi ni nzila ya thembwe ya wukuwuleloni.

2 Vafumeli 18:17

Hambi keto, mfumeli wa Asiriya a to rumela Tartani, Rabhi-Sarisi, ni Rabhisake, ve khukha ngu Lakisi, ni dibutho da hombe da yimbi, kuya ka mfumeli Ezekhiya kona Jerusalema; va to kwelela veta Jerusalema, se mbimo yile va nga txi kwelela va txita, va to ema ngu ka nzila ya mati a diguwula da hombe, di ku hafuhi ni nzila ya thembwe ya mkuwuli.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Jeremiya 22:1

Mkoma a ti khene: Relela nyumbani ka mfumeli wa ka Judha, u txi ya womba kona mhaka yiya:

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Isaya 10:21

Miboti yi na hunduluka, ina, miboti ya ka Jakobe yi na tshumelela ka Txizimu txa mtamo.

2 Vafumeli 20:20

Kasi ngu kutala ka mithumo ya Ezekhiya, ni mtamo wakwe wotshe, ni txisima txi a nga txi maha, ni nzila yo tsimbitisa mati me wulela didhoropani, ina ti nga va ti sa bhalwa amu ka dibhuku da Matimu a vafumeli va ka Judha kani?

Eksodha 7:15

Tsula ka Faro ni mixo: Nguko ene a na huma a txi ya matini; u na ya m'verela ha tikasani ka mnambo, u di ñote ndonga manzani kwako ayile yi ngadi hindukile yi txi maha mnyoka.

Nehemiya 3:16

Msana kwakwe, Nehemiya, mwana Azibhuke, wa hombe wa hafu ya Bheti-Zuri, a to aka an'ze masoni ka mathitha a Dhavhidha, kala ka txisima txi txi nga ti ketwe, ni kuya hoka nyumbani ka tindena.

2 Vafumeli 16:1

Ka dilembe da digumi ni mtxhanu ni mambidi, da kufuma ka Peka, mwana Remaliya, Akazi mwana Jothamu, a to khata kufumela ditiko da ka Judha.

Isaya 22:10

Kambe mi na bala tinyumba ta Jerusalema, mi khundumusa tinyumba, kasi kutsanisa maguma.

Isaya 22:11

Kambe mi mahile sisima hagari ka maguma mambidi txo thela mati a txisima txa kale, aniko kha ma wona txitimwi, kambe kha ma khatala ngu wule a nga va nga sona, hambi kukhatala ngu wule a nga si va nga kukhukhela kaleko.