Isaya 7:24 - Bhiblia Yo Sawuleka

²⁴ Vathu va na wulela kona va di ni wulaho ni tingove, nguko ditiko dotshe di na tala ngu sipopo ni mipa.

Isaya 7:24 Referans Kwoze

Genesisi 27:3

Konkuwa, teka matxhari ako a wuxoti, wulaho wako ni tingove, tsula txitingani u txi ya ni xotela nyama.

Isaya 7:19

Totshe ti nata khandamela amu ka yotshe mikova ya siwula, ni mu ka tifa ta marigwi, amu ka mipa, ni ka sotshe sitinga.

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Isaya 7:25

Ni ka yotshe mimango yile mi tolovelako kudima ngu misuka, kha ku na mbiswa kutsimbila m'thu, ngu mhaka ya kuthava sipopo ni mipa; ku na maha libala la tihomu, kukandetelwa ngu tinvuta.

Isaya 55:13

Ka wukhalo wa mipa, ku na mila faya, se ka wukhalo wa txipopo, ku na mila mirta; si na va ditina da Mkoma, i ku txikombiso txi na kwa mbi pfhitwai.

Ezekhiyele 12:20

Kambe madhoropa ma ku ni vathu ma na fuviswa, se mafu ma na maha sisapa; se mi na tiziva taku ani ngani Mkoma.

Genesisi 3:18

Mafu ma na ku milisela mipa ni maxexo, kambe u na dya mwasi wa txitinga.