Isaya 7:2 - Bhiblia Yo Sawuleka

² Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Isaya 7:2 Referans Kwoze

Isaya 8:12

Mi nge khanu njikungo, ka totshe ti vathu vava va ku kha vona njikungo; mi nga thaveni kudhukisela kwawe, hambi kukarateka ni ka kudotho.

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

Isaya 9:9

Se votshe vathu vava va na tiziva, Efrayime ni vaaki va Samariya, vale va wombako ngu kutikulisa ni kutiguleta ngu timbilu, va kha vona:

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Matewu 2:3

Se a txi engisa tiya Herodha, a to dhuka ngutu, ene ni dotshe didhoropa da Jerusalema.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Isaya 37:35

Nguko ani ni na emela didhoropa diya, kasi ku di hulukisa, ngu kuranda kwangu ni kuranda ka txithumi txangu Dhavhidha.

Isaya 37:27

Ngu mhaka yeto, vazumbi va kona, ngu manza o karala, va dhukisilwe ni kuwiswa tingana; va ti ti fana ni mwasi wa txitingani, ni mwasi wo nakana, ni mwasi wo tshulela tinyumba, ni fulaho yo hiswa yi sanzi kukula.

Isaya 22:22

Se ni na veka khiya ya nyumba ya Dhavhidha ha dikatani kwakwe, se a na tula, ku si maneki ni wammweyo wo seka, a no seka, ku si maneki ni wammweyo wo tula.

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Isaya 7:17

Aniko Mkoma a na tisa txitimwi kwako, ni txitimwi ka vathu vako, ni txitimwi ka nyumba ya tate wako, ngu mfumeli wa Asiriya, masiku o nga ale, ma si khaliko kuta, kukhukhela ditshiku dile Efrayime a nga hambana ni Judha.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

2 Makronika 28:12

Sekoko vamwevo hagari ka vathangeli va vanana va ka Efrayime, i ku Azariya, mwana Jowanani, ni Bherekiya, mwana Mesilemoti, ni Jeyizikiya, mwana Salumi, ni Amasa, mwana Hadhilayi, va to wukela mtxawa wu wu nga ti wuya ngu kulwani.

2 Makronika 25:10

Sekoko Amaziya a to abanisa mabutho a ka Efrayime kasiku ma txi tshumela ma txiya ka wukhalo wa ona. Se va to tshumela veya ka makhalo awe va di henyete ngutu va ka Judha.

1 Vafumeli 13:2

Se a to ruketela txiluvelo ngu dipswi da Mkoma, a txi khene: Awe txiluvelo! Awe txiluvelo! Mkoma a womba tiya: Wona ti to ku na velekwa dizambi ka nyumba ya Dhavhidha, ditina dakwe i nava Josiya, awule a no ningela kwako vaphaxeli va wukholo ko guleka avale va hisako dibaselo, ni marambu a vathu ma hiswa txitimwi kwako.

1 Vafumeli 12:16

Msana ka kuva votshe Vaisrayeli va di ti woni taku mfumeli kha va engisi, vathu va to tshumela ve mxamula ku kha vona: Njiavelo muni hi ku natxo athu ka Dhavhidha kani? Kha hi mani thomba ka mwana Jese. Tsula matendani kwako awe Israyeli! Ninga koko, ka nyumba yako, awe Dhavhidha. Se Israyeli a to tsula matendani kwakwe.

1 Vafumeli 11:32

Hambiketo ene a nave ni lihunzu limwelo ngu mhaka yo randa txithumi txangu Dhavhidha, ni kuranda Jerusalema, didhoropa di ni ngadi sawula ka otshe madhoropa a Israyeli.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

Isaya 7:5

Nguko Siriya, ni Efrayime, ni mwana Remaliya, va mahile txikungo txa kubiha txo kuwukela, va txi kha vona: