Isaya 7:13 - Bhiblia Yo Sawuleka

¹³ Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

Isaya 7:13 Referans Kwoze

Isaya 43:24

Khwa ni xavela ngu male, litshava lo bhumulisa, hambi ku ni khurisa ngu mafura a miphaxo yako, kambe u ni ningile mthumo ngu sionho sako, se u ni karalisa ngu wubihi wako.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Ezekhiyele 34:18

Ina kha ti mi eneleli kudyisa ka wudyiselo wa wunene, mi si kandeteli wudyiselo ngu mikondo yanu kani? Ni ti taku mi heta otshe mati, mi gwita mi va nga mdhaka ngu mikondo yanu kani?

Ezekhiyele 16:47

Hambi keto khwa tsimbila ka tinzila tawe, kambe khwa londisela manyala awe; aniko eto ndidotho, u ti nyetisete ngutu kupinda vona, ka totshe tinzila tako.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Isaya 7:2

Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Vahebheru 3:10

Ngu toneto, ni nga henyela livelekolo, ni txi khani: ‘Yotshe mbimo, timbilu tawe ta hambuka, vona kha va ti zivi tinzila tangu.’

Amosi 3:13

Engisani, wukelani nyumba ya ka Jakobe, kuwomba Mkoma Txizimu, Txizimu txa Mabutho a Tiyimbi.

Ezekhiyele 16:20

Hahanze keto, u tekile vanana vako va majaha ni vamahorana, avale u nga ni velekela, u txi phaxa ngu vona ka sona, va txi tshokomiswa; ina wugango wako mbudotho kani?

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

2 Makronika 21:7

Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 16:9

Ina Txizimu txa ka Israyeli, txi nga va txi di mi sawute ka msengeletano, txi mi tshuketisa hafuhi ka txona, kasi ku ta maha mthumo wa Nyumbani ka Mkoma, ni kuema masoni ka msengeletano, mi thumela vathu kani?

Genesisi 30:15

Aniko Leya a mxamute a txi khene: “Ina u alakanya taku ndidotho aku u nga ni tekela mwamna kani? Sekoko u lava ku ni tekela kambe maranga a lirando a mwanana wangu kani?” Sekoko Rakeli a to khene: “Jakobe a na va ni nawe wusiku wuwa, kasi kudihela maranga a lirando a mwanako.”

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Masalmo 45:5

Tingove tako ti lotilwe ta tinene; mabutho a tiyimbi ma khoziswa mikondoni kwako; valala vako va thelwa dikhodho masoni kwako.

Isaya 1:14

Mibuso yanu ya kumeka ka mtxima, ni mibuso yanu ya hombe ngutu yi henyisa muhefemulo wangu; konkuwa ta ni nemelela; se ni karate ngu kuxaniswa ngu sona.

Isaya 7:12

Aniko Akazi a to khene: Kha ni na mbi kombela txilo, hambi kuduka Mkoma.

Isaya 22:22

Se ni na veka khiya ya nyumba ya Dhavhidha ha dikatani kwakwe, se a na tula, ku si maneki ni wammweyo wo seka, a no seka, ku si maneki ni wammweyo wo tula.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.