Isaya 7:1 - Bhiblia Yo Sawuleka

¹ Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Isaya 7:1 Referans Kwoze

2 Vafumeli 15:37

Ngu ka ona ale masiku Mkoma a to khata kurumela Rezimi mfumeli wa Siriya, ni Peka mwana Ramaliya, kuya wukela Judha.

2 Vafumeli 16:1

Ka dilembe da digumi ni mtxhanu ni mambidi, da kufuma ka Peka, mwana Remaliya, Akazi mwana Jothamu, a to khata kufumela ditiko da ka Judha.

Isaya 8:6

Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya.

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

2 Vafumeli 15:25

Se Peka, mwana Ramaliya, mthangeli wa yimbi, a to mlwisa e m'daya, kona Samariya, hamthandani ka nyumba ya mfumeli, kumweko ni Argobhe ni Ariye; va ti ti nayo mtxhanu wa vavamna, i ku vamwevo va vanana va ka Gileyadhi; na a ti m'date a to fuma ka wukhalo wakwe.

2 Vafumeli 15:27

Ka dilembe da mtxhanu wa magumi ni malembe mambidi a kufuma ka Azariya, mfumeli wa ka Judha, Peka, mwana Remaliya, a to khata kufuma txitimwi ka Israyeli, na a di Samariya, magumi mambidi a malembe.

2 Vafumeli 16:5

Sekoko Rezini, mfumeli wa Siriya, kumweko ni Peka, mwana Remaliya, mfumeli wa ka Israyeli, va to khukha ve tsula kulwani, kona Jerusalema; va to randela Akazi, aniko kha va mkota ku mxula.

Isaya 9:11

Ngu kumaha keto, Mkoma a na va wusela valala va Rezimi, a na txhokolotela valala vakwe.

Ezekhiyele 27:16

Siriya a ti ti xaviselana ni nawe ngu mhaka ya kutala ka si u nga si thuma; sa esmeraldha, so bhilivila, ni so lukwa, ni sa disilika, ni korali, ni kristali, va txi si tisa ka makhalo ako.

Hoseya 1:1

Dipswi da Mkoma di nga wombwa ka Hoseya, mwana Bheyeri, ka masiku a Uziya, Jothamu, Akazi, ni Ezekhiya, vafumeli va ka Judha, ni ka masiku a Jerobhowamu, mwana Jowasi, mfumeli wa ka Israyeli.

Mika 1:1

Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.