Isaya 66:8 - Bhiblia Yo Sawuleka

⁸ I mani a khalako kupfa mhaka yo nga eto kani? I mani wu a khalako kuwona to fana ni tiya kani? Ina ditiko di nga sikota kuvelekwa ngu ditshiku dimwedo kani? Ku ndi na tumbunuka mafu ngu diganda dimwedo kani? Kambe Siyoni a ti ti lumwa, se a velekile vanana vakwe.

Isaya 66:8 Referans Kwoze

Isaya 64:4

Nguko kukhukhela ka kale kha ka pfiwa, hambi ngu tinzeve kha ka engiswa, hambi ngu maso kha ka wonwa Txizimu tximwani, txi txi mahako mithumo ka vale va txi thembako.

1 Vakorinto 2:9

Aniko, nga tiya ti nga bhaliswa tona, nzimaha si “hambi maso ma si sikotiko ku si tshanganisa, hambi tinzeve ti si sikotiko ku si engisa, hambi mialakanyo ya m'thu yi si sikotiko ku si pima, asile Txizimu txi nga lulamisela avale va txi dhundako.”

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Jeremiya 18:13

Ngu konaho Mkoma a khene: “Wotisani hagari ka matiko mwendo waho a nga ngapfa to nga toneto kani? Wotuma wa Israyeli a mahile mhaka yo thisa ngutu.