Isaya 66:5 - Bhiblia Yo Sawuleka

⁵ Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Isaya 66:5 Referans Kwoze

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Masalmo 38:20

Vona va ni dihela wunene ngu wubihi, ve ni wukela, kasi ani ni khutala ngu kumaha wunene.

Johani 9:34

Se vona va txi mu angula, va txi kha vona: “U veleketwe txionhoni, ngu wutumbu wako wotshe, se u lava ku hi gondisa kani?” Konaho va to mu humisa hahanze.

Jeremiya 36:16

Sekoko aha va nga pfa totshe timhaka tiya, va to dhuka, ve wonana, va txi kha vona ka Bharuke: Ngu ditshuri hi na gela mfumeli totshe timhaka tiya.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Ndando ya Tindando 1:6

Mi nga woneni ku ni ku ni mtima, nguko ditambo di woningile txitimwi kwangu. Tindiyangu ti ni henyete, se ti ni mahile muwoneleli wa tithembwe; thembwe yi yi ni lumbako kha na yi xayisa.

1 Johani 3:13

Mi nga xamaleni, vanathu, ngako ditiko di txi mi vengela.

Luka 13:17

Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.

Mavingu 13:13

Awule a nyenyako silayelo a na lova, aniko awule a thavako mlayo, a na wuyelwa.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

2 Vatesalonika 1:12

Ngu nzileyo, ditina da Mkoma wathu Jesu Kristu di na dhumiswa kwanu, na nanu mi na dhumiswa, madingano ni kateko ya Txizimu txathu, ni ya Mkoma Jesu Kristu.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Hoseya 11:10

Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

2 Vafumeli 22:10

Se ene mabhalani Safani, a zivisile mfumeli to khene: Mphaxeli Hilikiya, a ni ningile dibhuku. Se Safani a to di gonda masoni ka mfumeli.

2 Makronika 34:27

A ku u nga dhukiswa mbiluni kwako, u ti veka hahatshi masoni ka Txizimu, mbimo yi u nga pfa mapswi akwe madingano ni wukhalo wuwa ni vathu va kona, u txi ti veka hahatshi, u vharulela ni syambalo sako, u dila masoni kwangu, ani ni ku pfite, kuwomba Mkoma.

Ezra 9:4

Sekoko va to ta ni randela, votshe vale va nga ti dhudhumeliswa ngu mapswi a Txizimu txa ka Israyeli, ngu mhaka ya sihoheto sa vale vo wuya ngu wukhumbini; ni to khalahatsha ni txi goo, kala ka mbimo ya miphaxo ya minova.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.