Isaya 66:10 - Bhiblia Yo Sawuleka

¹⁰ Tsakani ngutu ni Jerusalema, mi tsaka ngu ngene, anu motshenu mi mrandako; talani ngu ku mtsakela, anu motshenu mi nga m'dilela.

Isaya 66:10 Referans Kwoze

Masalmo 137:6

Ngako ni txi kudivala, awe Jerusalema, ngako ni si ku guleti txitimwi ka si ni si tsakelako, lidimi langu li na namara mkanani kwangu.

Masalmo 26:8

Mkoma, ani na randa kuzumba nyumbani kwako, i ku wukhalo wu ku ti kombako wudhumo wako.

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Isaya 65:18

Aniko mi na tsaka mi pfalisa, ngu ha ku si gwitiko, ngu si ni si vangako; nguko wonani taku, ani na vangela litsako Jerusalema, ni kuzumbiseka ka vathu vakwe.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Masalmo 122:6

Kombelelani kudikha ka Jerusalema. Va na humelela vale va randako kudikha.

Isaya 9:3

Awe u andisile vathu vava, u engetete kutsaka kwawe, votshe va na tsaka masoni kwako, ku nga tile va tsakisako tona va di kufunyelani, ni ti va tsakisako tona va di kuabanelani ka sile va nga handa.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.