Isaya 66:1 - Bhiblia Yo Sawuleka

¹ Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Isaya 66:1 Referans Kwoze

Mithumo 17:24

Txizimu txi txi nga va nga mafu ni sotshe si si ku ka ona, i ku txona Mkoma wa nzuma ni mafu; kha txi zumbi mathepeleni ka kuakwa ngu manza a vathu;

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

Masalmo 132:7

A hi wuleleni nyumbani ko sawuleka ka Mkoma! A hi khizameni masoni ka txikhalo txakwe txa wukoma!

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

2 Makronika 6:18

Ina ngu ditshuri Txizimu txi ndi na zumba ni vathu ha mafuni kani? Wona taku tinzuma kala ka nzuma ya tinzuma nga ti si sikoti ku u enela ka tona, se ngutu-ngutu nyumba yiya ni nga yi aka.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Matewu 12:6

Sekoko, ni khani kwanu: Wa ho kona hawa awu i ku wa hombe kupinda Dithepele.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

2 Makronika 2:5

Se nyumba yi ni ku na yi aka yi na va ya hombe, nguko Txizimu txathu nja hombe kupinda sizimu sotshe.

Isaya 60:13

Wudhumo wa Libhanoni wu nata kwako; kumweko ni mikipresi, ni mipinyeru, ni misiringa, kasi ku ta tshurisela wukhalo wangu wo sawuleka; se ni na dhumisa wukhalo wu mikondo yangu yi emako ka wona.