Isaya 65:3 - Bhiblia Yo Sawuleka

³ vathu va va ni henyisako masoni kwangu yotshe mbimo, va phaxelako va di tithembweni, ve hisa dibaselo txitimwi ka sitini;

Isaya 65:3 Referans Kwoze

Isaya 1:29

Nguko mi na wa tingana ngu mhaka ya mikusu yile mi nga yi navela, mi na wiswa tingana ngu mhaka ya tithembwe tile mi nga ti sawula.

Isaya 66:17

Avale va ti sawulekisako ni ku tibasisa amu tithembweni vamwani ni vamwani, avale vadyako nyama ya khumba, ni kutinyenyezisa, ni dikonzo, va na loviswa kumweko, kuwomba Mkoma;

Jobe 1:11

Aniko hi nga nawuluta dianza dako u txi m'gwesa ngu ka sotshe sile a ku naso, u txi na wona ku mwendo kha na mbi kuruketela u txi muwona!

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Jobe 2:5

Sekoko hi nga nawuluta diwoko dako, um'gwesa amu ka marambu ni nyama, u na wona mwendo kha na mbi kuruketela khoheni kwako!

Levhi 17:5

Kasi ku vanana va ka Israyeli ve wuyisa ka Mkoma sihari si va nga daya hahanze ka wugovelo, va txi si neha kasi ku si maha mhamba ya mpatano.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.