Isaya 64:9 - Bhiblia Yo Sawuleka

⁹ Awe Mkoma, u nga henye ngutu, u nga alakanye wubihi wathu kala kupinduka; wona, athu ha kukombela, athu hotshethu hi vathu vako.

Isaya 64:9 Referans Kwoze

Masalmo 79:13

Athu hi ku vathu vako, hi ku tinvuta ta mtxhambi wako, hi na kudhumisa ngu ha ku si gwitiko, hi na embelela wudhumo wako ka liveleko ni liveleko!

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

2 Pedro 2:17

Vathu vava va fana ni sisima so mbina mati, ni marefu awa ma susumetwako ngu moya wa txihuhuri. Se txidema txa hombe ngutu txi va rinzete.

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Sidilo 5:20

Ngu kutxani u txi zumbela ku hi divala, ni ku hi leka timbimo totshe kani?

Jeremiya 10:24

Awe Mkoma, ni tsayise, aniko ngu lipimo li ni dinganako, na i si nga kuhenya kwako, ti taku u txi ni lovisa.

Jeremiya 3:12

Tsula u ya nuwela mahungu awa wuphemba, u txi khawe: Wuya Israyeli, awe u nga phawuka, kuwomba Mkoma. Na mbiswa ni mi henyela, nguko ni ni wumbilu, kuwomba Mkoma, na mbi kho ni henya kala kupinduka.

Isaya 63:19

Hi tshumete hi txi nga vale u si khaliko ku va fumela, ni kufana ni vale va si khaliko kudhanwa ngu ditina dako.

Isaya 60:10

Se vanana va vamatiko va na aka maguma ako, ni vafumeli vako va na kuthumela, nguko, kuheyani kwangu ni ku pekile, aniko ka wunene wangu, ni ku pfete wumbilu.

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Masalmo 119:94

Ni hanyise nguko ni wako ani na londeta sileleto sako!

Masalmo 38:1

Mkoma, u nga ni kawuke ngu kuhenya kwako, kambe u nga ni tsayise ngu txiviti txako.

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

Jeremiya 44:21

Ina a ngava a sa alakanya Mkoma, kha da hoka mbiluni kwakwe dibaselo dile mi nga hisa madhoropani ka Judha ni tinzilani ka Jerusalema, anu ni vatate vanu, ni vafumeli vanu ni tinduna, kumweko ni vathu va ditiko kani?

Sidilo 5:22

Ina u nga hi lekela magwito kani? U nga hi pandisekelisa tiya ngutu ngu kutxani kani?

Ezekhiyele 29:16

Kambe khu na mbi ngadi u thembeka ka nyumba ya ka Israyeli, kasi ku va alakanyisa ngu wubihi wawe, ngako va txi wona msana kwawe; va no tiziva dwe taku ani ngani Mkoma Txizimu.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Isaya 63:18

Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.

Sidilo 2:7

Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

Sidilo 5:18

Nguko mmango wa Siyoni wu xasetwe, vanyapwe va tsimbila-tsimbila kona.