Isaya 64:2 - Bhiblia Yo Sawuleka

² U txi nga mndilo wu hisako tikhuni, wu halisa mati, kasi ku ditina dako di zivaneka ka valala vako, ngu kumaha keto, matiko ma na dhudhumela masoni kwako.

Isaya 64:2 Referans Kwoze

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Isaya 37:20

Konkuwa koko awe Mkoma, Txizimu txathu, hi txhatxhise manzani kwawe, kasi ku yotshe mifumo ya ha mafuni, yi tiziva tito, ngawe dwe u ku Mkoma.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 83:13

Awe Txizimu txangu, va hangalase nga lithulu, va txi nga mwasi wu wu huhiswako ngu diphuho.

Masalmo 79:10

Nguko vamatiko va na wotisa va txi kha vona: “Txizimu txako txi hani kani?” Va kombe vathuvo, masoni kwathu, kuphotela ka mnoha wa vathu vako, awu wu nga theketwa!

Masalmo 9:20

Mkoma, va dhukise, va na ti zive ti to vona mbathu dwe.

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Amosi 4:12

Ngu mhaka yeto, ni na kumaha toneto awe Israyeli! Se ngu mhaka ya ti ni no kumaha, ti lulamisele awe Israyeli, kasi kumanana ni Txizimu txako.

Mika 1:4

Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Isaya 28:21

Nguko Mkoma a na khukha kufana ni mmangoni ka Perazimi, kambe a na henya, nga tile a nga maha mkovani ka Gibheyoni, kasi kumaha mthumo wakwe, mthumo wakwe wo mbi toloveleka, ni kumaha mthumo, mthumo wakwe wo xamalisa.