Isaya 64:12 - Bhiblia Yo Sawuleka

¹² Ina u ndi na simama u ti ñola awe, txitimwi ka yotshe xomulo yiya, awe Mkoma, kani? U ndi na malala, u hi xanisa kani?

Isaya 64:12 Referans Kwoze

Isaya 42:14

Nguko ni malate mbimo yo lapha, ni di malate, ni ti ñola; se konkuwa ni na peka tihuwa, kufana ni wu a ku ha ko veleka, kambe votshe ni na va xasela, ni va mita.

Zakariya 1:12

Sekoko, Ngelozi ya Mkoma yi to xamula yi txi kha yona: Awe Mkoma wa Mabutho a Tiyimbi, khu na mbi pfela wumbilu Jerusalema ni madhoropa a ka Judha, kala ka yihi mbimo, awa u nga ma henyela ka malembe awa a mtxhanu wa magumi ni magumi mambidi kani?

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Masalmo 10:1

Mkoma, nji txani u txi emela kule kani? Nji txani u txi sisala ka sikhati so xanisa kani?

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Isaya 65:6

Wona ti bhatwe masoni kwangu, taku: Kha ni na mbi malala; aniko ani ni na hakela, ni na rinza hakhelo masoni kwawe,