Isaya 61:9 - Bhiblia Yo Sawuleka

⁹ Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.

Isaya 61:9 Referans Kwoze

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Masalmo 115:14

Mkoma a na andise liveleko lanu, kumweko ni liveleko la vanana vanu!

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Genesisi 30:27

Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Isaya 43:5

U nga thave koko, nguko ni ni nawe, ni na wuyisa vanana vako ngu wutxani, ni kusengeleta kukhukhela mswa-ditambo.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Isaya 66:22

Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.

Jeremiya 31:7

Nguko Mkoma a khene: Embelelani ngu litsako ka Jakobe, giringani ngu mhaka ya wu i ku mfumeli wa matiko; embelelani tindando, mi txi khanu: Mkoma, hanyisa vathu vako, i ku misalelwa ya Israyeli.

Malakiya 3:12

Se otshe matiko ma na womba ku mi katekile, nguko anu mi na va ditiko do tsakisa, kuwomba Mkoma wa Mabutho a Tiyimbi.

Mitengo 22:12

Sekoko Txizimu txi to gela Bhalahamu txi txi kha txona: “U nga tsule navo. Khu na mbi va xula evo vathu, nguko va katekisilwe.”