Isaya 61:8 - Bhiblia Yo Sawuleka

⁸ Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

Isaya 61:8 Referans Kwoze

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Masalmo 33:5

Mkoma yotshe mbimo a lava kululama ni ditshuri; lirando lakwe la tata ditiko dotshe!

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

2 Vatesalonika 3:5

Mkoma a na tsimbitise timbilu tanu a txi ti yisa ka lirando la Txizimu, ni kutimiselani ka Kristu.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Masalmo 50:5

“Tshanganisani votshe vale va thembekako, avale va nga maha txitumelelano ni nani va txi ni phaxela timhamba.”

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Masalmo 105:10

A txi tsanisile txi maha mlayo ka Jakobe, txi maha txitumelelano txo mbi guma ka Israyeli,

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Isaya 54:10

Nguko mimango yi na wekela, ni simangwana si na zinginika; aniko wumbilu wangu kha wu na mbi kuvayilela, se txitumelelano txa kudikha kwangu kha txi na mbi txitxa, kuwomba Mkoma, wule a ku mahelako wumbilu.

Isaya 56:1

Mkoma a womba tiya: “Xayisani wulamulo, mi maha kululama, nguko kuhanyisa kwangu ku hafuhi ni kuta, ni kululama kwangu ku na ti wonekiswa.”

Isaya 66:22

Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.

Ezekhiyele 16:60

Hambi keto, ani ni na alakanya txitumelano txi ni nga txi maha ni nawe, ka masiku a wuhorana wko; kambe ni na maha ni nawe txitumelelano txa kwa mbi gwita.

Ezekhiyele 34:25

Kambe ni na maha txitumelelano txa kuthutha kumweko nato, ni txi heta sihari sa tshofu ha mafuni; ti na zumba txiwulani ti di tsani, ti txi otela sitingani.