Isaya 61:7 - Bhiblia Yo Sawuleka

⁷ Ngu mhaka ya tingana tanu to wuyetwa kumbidi ni kuxaniseka kwanu, va na tsaka ngu txyavelo txawe; ngu kumaha keto, ditikoni kwawe, va na mana ngu kuwuyetwa kumbidi, kambe va na va ni kutsaka ko mbi guma.

Isaya 61:7 Referans Kwoze

Jobe 42:10

Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale.

Zakariya 9:12

Tshumelani miya mkhokholani, anu tikhumbi ta txithembo; kambe nyamsi, na mi zivisa taku ni na mi tshumetela kumbidi.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

2 Vafumeli 2:9

Sekoko mbimo yile va ngadi txhatukile, Elija a to khene ka Elixa: Ni kombele ati u ti lavako ku ni txi ku mahela, ni sanzi kuthaviswa hafuhi kwako. Elixa a to khene: Ni kombela moya wako txitimwi kwangu, na wu di wuyeletilwe kambidi.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

Masalmo 126:5

Avale va phayako va txi dila mirongo va na elula ngu kutsaka.

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Zefaniya 3:19

Wona ti taku, ka yona yile mbimo, ni na wukela votshe vale va kuxanisako, ni hanyisa vale va khwitako, se ni wuyisela avale va nga tutumiswa; kambe ni na va ninga kudhundeka ni wudhumo, ka otshe matiko ale va nga thelwa tingana ka ona.