Isaya 61:11 - Bhiblia Yo Sawuleka

¹¹ Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Isaya 61:11 Referans Kwoze

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Isaya 62:7

kambe mi nga maneke mi di malate, kala kuza e tsanisa, ni ku kala kuza e veka Jerusalema kuva wudhumo ha mafuni.

Isaya 62:1

Ngu kuranda Siyoni kha ni na mbi malala, ngu mhaka ya kuranda Jerusalema kha ni na mbi bundama, kala kuza kuhuma kululama kwakwe kufana ni liwoningo, ni kuhanyiswa kwakwe kufana ni txisase txa mndilo.

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Masalmo 85:11

Ditshuri di na mila ngu ha mafuni kululama ku na txhika ngu nzumani.

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Matewu 13:3

Se a to va gela timhaka ta tingi ngu sidinganiso, a txi khene: “Wonani mphayi a to huma a txi ya phaya.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Masalmo 72:16

Ditiko di na talelwe ngu kupfuna ka fulaho, ayi yi zinginikelako txitimwi ka situnga, yi veleka mihando kufana ni Libhanoni ava va nga aka madhoropani va na rumbuka kufana ni mwasi wu nga mila ha mafuni!

Masalmo 72:3

Mimango yi na tisa kudikha vathuni, ni simangwana si na tisa kululama.

Matewu 13:8

Yimwani, ngu kugwitisa, yi to wela ka mafu amanene yi veleka mihando: Nyingi yimweyo yi veleka dizana, yimwani mtxhanu wa magumi ni dimwedo, yimwani makumararu.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Isaya 45:23

Ni xambanya ngu ngani nipune; di humile ngu txisofuni kwangu dipswi do lulama, kambe kha di na mbi tshumelela msana: Ati to masoni kwangu, ma na khizama otshe mazolo, se totshe tidimi ti na xambanya ngu ngani.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Isaya 48:18

O! I tiku u to engisa sileleto sangu! Sekoko, kudikha kwako ku ndi na fana ni mnambo, ni kululama kwako nga mavimbi a linene.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Genesisi 1:11

Se Txizimu txi to kha txona: “Mafu ma na milise similwa so nakana, mwasi wu wu ningako mbewu, mindonga yo veleka mihando, yo ninga mihando ngu kuhambanelana ka yona, yi ku ni tinyingi mndani ka yona, txitimwi ka mafu.” Se eto ti to maheka.

Isaya 62:2

Se matiko ma na wona kululama kwako, ni votshe vafumeli va na wona wudhumo wako; se va na ku dhana ngu ditina dadiphya, adi txisofu txa Mkoma txi no di raya.