Isaya 60:4 - Bhiblia Yo Sawuleka

⁴ Gula maso ako, u ma rendelekisa ka madhawa otshe, u wona; votshe vava se va sengeletani va ta kwako; vanana vako va majaha va nata ngu kule; ni vanana vako vamahorana va na wunjeka didhawa kwako.

Isaya 60:4 Referans Kwoze

Isaya 42:6

Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;

Isaya 49:18

Gula maso u wona madhawani; votshe va va sengeletanako, vata kwako; na hanya ani, kuwomba Mkoma, taku u na ti ambeka ngu vona u ti bombisa, se u na ti ambeka ngu vona kufana ni txitekwa.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Mithumo 13:44

Ngu ditshiku da Sabbata yi yi gametako, votshe vathu va didhoropa, kuleka ngu vavadotho, va to tshangana kasi kuya engisa dipswi da Txizimu.

Johani 4:35

Kasi kha mi wombi anu, tito: ‘Ku sate mune wa mitxima, se yi na hoka mbimo ya kuelula’, kani? Kha ditshuri na mi gela ni khani: Gulani maso mi wona: Tithembwe ti nga xwee, ti lavako kuelulwa.

Matewu 8:11

Aniko na womba kwanu, ni khani; mbavangi va nota ngu wutxani ni mswa-ditambo, va ta zumba ha sakudyani ni Abrahamu ni Isaake ni Jakobe Mfumoni ka nzumani.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Mika 7:12

Ka dona ditshiku dile va nata kwako, kukhukhela Asiriya kala ka madhoropa a mtamo, ni kukhukhela makhokholani kala mnamboni, ni kukhukhela lineneni kala ka limwani linene, ni ka mmango kala ka wumwani mmango.

Hagayi 2:7

ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Isaya 49:17

Vanana vako va nata ngu kukuluveta, aniko vahaxuli vako ni valovisi vako va ya kule ni nawe.