Isaya 6:9 - Bhiblia Yo Sawuleka

⁹ Sekoko ene a nje khene: Tsula u ya gela vathu vava, u txi khawe: Mi na engisa, aniko kha mi na mbi ti pima; kha ditshuri mi na wona, aniko kha mi na mbi wonisisa.

Isaya 6:9 Referans Kwoze

Luka 8:10

Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

Marku 4:12

ti taku, ‘Hambi i di kuwona ve wona kambe va si wonisisi; hambi i di kuengisa ve engisa kambe va si pfisisi; kasiku va si thuki ve hunduluka, se ve divalelwa sionho.’ ”

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Varoma 11:8

Nga ti ti nga bhalwa taku: “Txizimu txi va ningile moya wa mphume wa hombe; ni maso a ku ambi wona, ni tinzeve ta ku ambi engisa, ni nyamsi i ngadi toneto.”

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Isaya 43:8

Tisani vathu va i ku mabhofu, avale va ku ni maso; ni maphazeve ale ma ku ni tinzeve.

Hoseya 1:9

Se Mkoma a to khene: Mraye ditina daku i Lo-Ami, nguko anu kha mi nga vathu vangu, nani kha ni na mbi va Txizimu txanu.

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

Mavingu 28:5

Vathu vo biha kha va ti zivi to lulama, kambe avale va xotako Mkoma va ti pima totshe.

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Ezekhiyele 12:2

Awe mwanana wa m'thu, u zumba hagari ka vathu va kutitsimba, va maso o dingana kuwona aniko kha va woni, kambe va ni tinzeve to dingana kuengisa aniko kha va engisi; nguko i nyumba ya kutitsimba.

Isaya 28:13

Ngu toneto, dipswi da Mkoma, di na va mlayo txitimwi ka mlayo, mlayo ni mlayo, txileleto txitimwi ka txileleto, txileleto ni txileleto: Kudotho hawa, kudotho hale; Kasi kuve tsula va txiwa ngu msana, ve funyeka, ve bzetwa, ve ñolwa.

Isaya 42:20

Awe wa wona so maha sasingi, aniko khu si vekisi; hambi u di tute tinzeve, khu engisi txilo.