Isaya 6:8 - Bhiblia Yo Sawuleka

⁸ Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Isaya 6:8 Referans Kwoze

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Isaya 65:1

Ni lavilwe ngu vale va si khaliko ku wotisa ngu ngani; ni manwi ngu vale va nga ti si ni lavi; ka vathu vale va nga si dhanwi ngu ditina dangu, ni txi khani: Ngani wuwa hawa!

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Genesisi 1:26

Se Txizimu txi to kha txona: “A hi vangeni m'thu ngu txifaniso txathu e fana ni nathu; se a na fumela sihaka sa linene, ni sinyana sa nzuma, ni sifuyo, ni otshe mafu, ni sihari sotshe so tsimbila ngu dibindi txitimwi ka mafu.”

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Ezekhiyele 1:24

Se si txi tsimbila, ni pfite diguwa da tibhapi ta sona, kufana ni diguwa da mati amangi, nga dipswi da Nyamitamo, dipswi da kudhinda, ku nga sigingo sa dibutho; si txi ema, tibhapi ti txo relela.

1 Vafumeli 22:20

Se Mkoma a to khene: I mani a no xenga Akabe, a txi ya fela didhoropani ka Ramoti-Gileyadhi kani? Se mmweyo a txi wombisa ti, mmwani a txi womba tile.

Ezekhiyele 10:5

Se diguwa da tibhapi ta makerubhima di to pfala kala ka muhubhe wa hahanze, kufana ni dipswi da Txizimu txa Mtamo-wotshe txi txi womba-womba.

Genesisi 3:22

Sekoko Mkoma Txizimu a to khene: “Wonani, m'thu a hindukile, a txi nga athu, kuziva ta tinene ni to biha. Konkuwa, kulaveka ku ene a si nawuluti dianza kasiku nene a txi hapha muhando wa mndonga wa wutomi edya, e hanya kala kupinduka.”

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Mithumo 26:19

“Ngu toneto, mfumeli Agripa, ani kha na lamba txiwoniso txiya txa nzumani:

1 Samuwele 3:4

Mkoma a to dhana Samuwele, se ene a to khene: “Ngani wuwa hawa!”

Ezekhiyele 9:1

Sekoko Mkoma a to kwangula ngu dipswi da hombe tinzeveni kwangu, a txi khene: Tisani vatsayisi va didhoropa, mmweyo ni mmweyo ni matxhari akwe manzani, o khundumusa ngu ona.

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

2 Samuwele 1:7

Se mbimo yile ene a nga tshembereka e wona msana kwakwe, a to ni wona e ni dhana; kambe ani ni to khani: Ngani wuwa hawa!