Isaya 6:4 - Bhiblia Yo Sawuleka

⁴ Se misasimo ya matimba yi to zinginika, ngu dipswi da wule a nga ti kwangula, ni nyumba yi to tala ngu wutshi.

Isaya 6:4 Referans Kwoze

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Ezekhiyele 10:5

Se diguwa da tibhapi ta makerubhima di to pfala kala ka muhubhe wa hahanze, kufana ni dipswi da Txizimu txa Mtamo-wotshe txi txi womba-womba.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

Ezekhiyele 1:24

Se si txi tsimbila, ni pfite diguwa da tibhapi ta sona, kufana ni diguwa da mati amangi, nga dipswi da Nyamitamo, dipswi da kudhinda, ku nga sigingo sa dibutho; si txi ema, tibhapi ti txo relela.

Ezekhiyele 41:16

Mitshunzuti ni mafasitela o songa, ni mule ko tshuriselwa ngu msana kotshe kakuraru, ngu masoni ka msasimo, ku ti ti tshuletwe ngu mapulango madhawani ka kona; eko kukhukhela hahatshi kala ka mafasitela; ni ona mafasitela ma ti ti tshuletwe;

Ezekhiyele 44:4

Ngu msana a to ni tisa ka nzila ya txike txa wulambwe, masoni ka nyumba; se ni to wona taku kuphatima ka Mkoma ku tatile Nyumba ya Mkoma; sekoko ni to wa ngu khohe yangu.