Isaya 6:3 - Bhiblia Yo Sawuleka

³ Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Isaya 6:3 Referans Kwoze

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

Mitengo 14:21

Nga ha ni hanyako, ni kuphatima ka Mkoma ku na tata mafu otshe.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Isaya 40:5

Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.

Isaya 24:16

Kukhukhela magwito ka mafu, hi pfite kuembelala, kaku: Wudhumo ka wule wo lulama; aniko ani ni khani: Na goma, na goma, dikhombo kwangu! Vakanganyisi va kanganyisa, ina, vakanganyisi va kanganyisa.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.

Masalmo 90:16

Komba mtamo wako wa hombe ka sithumi sako ni wudhumo wako wa hombe ka vanana vawe!

Masalmo 97:6

Tinzuma ta huwelela kululama kwakwe ni vathu votshe va wona wudhumo wakwe.

Masalmo 99:3

Di na dhumiswe ditina da hombe da kuthisa, nguko dona di sawulekile.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Ezekhiyele 43:2

Kuphatima ka Txizimu txa ka Israyeli ku ti ti ta ngu nzila ya wutxani; se dipswi da txona di ti nga ova diguwa da mati amangi, se mafu ma to vangamela ngu mhaka ya kuphatima ka txona.

Ezekhiyele 44:4

Ngu msana a to ni tisa ka nzila ya txike txa wulambwe, masoni ka nyumba; se ni to wona taku kuphatima ka Mkoma ku tatile Nyumba ya Mkoma; sekoko ni to wa ngu khohe yangu.

Masalmo 8:2

Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Masalmo 66:2

Embelelani wundhumo wa ditina da Txizimu; ningani wudhumo ka wundhundo wa Txizimu.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!