Isaya 6:2 - Bhiblia Yo Sawuleka

² Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona.

Isaya 6:2 Referans Kwoze

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Ezekhiyele 1:11

Se tikhohe ta sona ni tibhapi ta sona ti abanete txitimwi; tximwetxo ni tximwetxo txi ti ti ni tibhapi timbidi to patana ka timwani, se timbidi ti txi fenengeta mimidi ya sona.

Masalmo 104:4

Maphuho u ma mahile sirumwa sako ani tinyangafula ngu tona i ku sirumwa sako.

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

Isaya 6:6

Aniko dimwedo da maserafima di to ni purumela di ti ni dikala da mndilo manzani, di nga teka ngu dibanzi txiluveloni.

Masalmo 18:10

Txi puruma txi di gadhile dikerubhima, txi tsimbila txi di mabhapini ka diphuho.

1 Vafumeli 6:24

Libhapi limwelo la dikerubhima i ti la mtxhanu wa mikono, se limwani libhapi la dikerubhima i ti la mtxhanu wa mikono; ku ti ti ni digumi da mikono kukhukhela magwito ka libhapi limwelo kala magwito ka limwani libhapi.

Mtuletelo 14:6

Ni to wona yimwani ngelozi yi nga ti puruma hagari ka mpfhuka, yi di ni Evhangeli yo mbi na makhato ni magwito, kasiku yi huwelela ka vaaki va ha mafuni, ni yotshe mifumo, totshe tixaka, totshe tidimi ni votshe vathu.

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

Mtuletelo 7:11

Totshe tingelozi ti ti emile, ti randela txikhalo txa wukoma, kumweko ni madhota ni mune wa sivangwa so hanya. Se tingelozi ti txi wa hahatshi ngu timbanza masoni ka txikhalo txa wukoma, ti txi khozela Txizimu, ti txi:

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Ezekhiyele 10:21

Dikerubhima dimwedo ni dimwedo di ti ti ni mune wa tikhohe, ni mune wa tibhapi, ni sa kufana ni manza a m'thu, ngu hahatshi ka tibhapi ta ona.

Ezekhiyele 1:24

Se si txi tsimbila, ni pfite diguwa da tibhapi ta sona, kufana ni diguwa da mati amangi, nga dipswi da Nyamitamo, dipswi da kudhinda, ku nga sigingo sa dibutho; si txi ema, tibhapi ti txo relela.

Ezekhiyele 1:9

Si ti ti manana ngu tibapi, tximwani ni tximwani; si ti si tshembereki mbimo yile si nga ti ti tsimbila; tximwetxo ni tximwetxo txi ti ti tsimbila txi di wonetete mu txiyako kona.

Ezekhiyele 1:6

Tximwetxo ni tximwetxo txi ti ti ni mune wa tikhohe, na kambe txi di ni mune wa tibhapi.

Jobe 15:15

Wonani taku, nga thembisa kutxani vasawuleki va txona, hambi nzuma yi nga mbi sawuleka masoni ka txona.

Jobe 1:6

Na ku ti hokile ditshiku dile vanana va Txizimu va nga ta masoni ka Mkoma, Sathani nene a ti ti hagari kwawe.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

1 Vafumeli 8:7

Nguko makerubhima ma ti gwimba tibhapi ta ona tatimbidi txitimwi ka dibhokiso, ma txi fenengeta dibhokiso, ni minaneko ya kona ngu txitimwi.

1 Vafumeli 6:27

Makerubhima awa a to ma veka hagari ka nyumba ya mndani; se makerubhima ma ti nawuluta tibhapi ta ona, ngu nzila yo libhapi la dikerubhima dimwedo li ti ti gwesa diseta, se libhapi la dimwani dikerubhima li ti ti gwesa dimwani diseta, se tibhapi timwani ti txi gwesana ngu titshoka.

Eksodha 37:9

makerubhima ma ti ni mabhapi mambidi o lapha o nawulukela txitimwi, kambe ma ti fenengeta ngu mabhapi a ona txikhalo txa wuxinji.

Eksodha 25:20

Makerubhima ma nava ni mabhapi o nawulukela txitimwi, aale ma no vhikela txikhalo txa wumbilu, ngu mabhapi a ona, ma di rendekelanile dimwani ni dimwani.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Jobe 4:18

Txizimu kha txi thembi tingelozi ta txona, kambe txa mana tingelozi ti di xangile.

1 Vafumeli 19:13

Se mbimo yile Elija a nga dipfa, a to fenengeta khohe yakwe ngu dijasi dakwe e huma hahanze, a to ema ha txikeni ka diphala; se kutota dipswi kwakwe, di nga ti kha dona: Wo maha txani ahawa kani Elija?

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Vahebheru 1:7

Se ngako Txizimu txi txi womba ngu tingelozi, txi ti kha txona: “Txizimu txi mahile tingelozi ta txona kota mimoya, ani sithumi sa txona, txi si mahile midhikila ya mndilo.”

Luka 1:10

Dotshe dibutho di ti ti khongela, di di hahanze ngu mbimo ya dibaselo.

Zakariya 3:4

Sekoko ngelozi yi txi womba-womba, yi to ruma vale va nga ti ti masoni ka yona, yi txi kha yona: Mthaviseni syambalo siya sa nzabwa. Se yi to kha yona ka Joxuwa: Wona taku ni thavisile wubihi masoni kwako, ni na kuambeka syambalo sa siphya.

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Ezekhiyele 10:16

Se ma txi tsimbila makerubhima, madangarita ni ona ma ti tsimbila; se makerubhima ma txi guleta tibhapi ta ona, kasi ku ma txi guleka ngu ha mafuni, ni ona madangarita ma ti si ti hambanisi nawo.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.