Isaya 6:13 - Bhiblia Yo Sawuleka

¹³ Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Isaya 6:13 Referans Kwoze

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

Marku 13:20

Idiku Mkoma kha komisa masikuyo, nga ku si huluki m'thu; aniko ngu mhaka ya va a nga va sawula, a komisile masikuyo.”

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Ezekhiyele 6:8

Hambi keto ni na leka vokari ve huluka ditxhari hagari ka matiko, mbimo yile mi no hangalaswa ka matiko.

Amosi 5:3

Nguko Mkoma Txizimu a womba tiya: Ka didhoropa di kuhumako 1.000, ku na vekiswa dizana, se ka dile kuhumako dizana, ku na vekiswa digumi, ka nyumba ya ka Israyeli.

Zakariya 13:8

Se ku na maheka ka otshe mafu, kuwomba Mkoma, taku madhawa mambidi a vathu, ma na dawa, me lova; aniko da wuraru di na sala.

Dhewuteronome 28:62

Ku na sala vathu vavadotho kwanu, anu mi nga ti vavangi nga tinyeleti ta nzumani. Ngu mhaka ya kwa mbi engisa kwanu dipswi da Mkoma, Txizimu txanu.

Ezra 9:8

Se konakuwa, ngu mbimo yayidotho, hi mahetwe wumbilu ngu Mkoma, Txizimu txathu, kasi ku hi siyela vokari va di hulukile, ni ku hi ninga kuzumbiseka wukhaloni kwakwe ko sawuleka; kasi kuwoninga maso athu; o Txizimu txathu, kasi ku hi ninga wutomi wa wudotho wukhumbini kwathu.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.