Isaya 6:12 - Bhiblia Yo Sawuleka

¹² Se Mkoma a na leka vathu kule ni didhoropa, ditiko di na sala i di txiwula txa hombe.

Isaya 6:12 Referans Kwoze

Jeremiya 4:29

Votshe va madhoropa va na tutuma ve thava ngu mhaka ya va vo gadha mahantxhi ni va malaho; va sisala mu ka tikwakwati, na va txi kwela txitimwi ka marigwi. Otshe madhoropa ma sala i di siwula, kha ku zumbi m'thu ka ona.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Sidilo 5:20

Ngu kutxani u txi zumbela ku hi divala, ni ku hi leka timbimo totshe kani?

Jeremiya 15:4

Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.

Isaya 26:15

Awe Mkoma, u engetete vathu vava, awe u engetete vathu vava, u ti mahile wa wudhumo; kambe u va tshotshile kule, ka yotshe mihingano ya mafu.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

2 Vafumeli 25:11

Se ngu wungi wa vathu vale va nga lekwa ve sala didhoropani, ni vatereki vale va nga ti ningela ka mfumeli wa Bhabhilona, wungi wa dibutho, ni Nabhuzaradhani, mthangeli wa yimbi, a to va ñola e tsula navo.

Varoma 11:15

Nguko akuwa kutshuralelwa kwawe ngu Txizimu ku nga hinduka ku txi maha kuhuluka ka ditiko, ina kutshumela kwawe ve wuya kuhundulukani kha ti na mbi fana ni kuwuka ka vakufa kani?

Isaya 5:9

Mkoma wa Mabutho a Tiyimbi, a to khene tinzeveni kwangu: Ngu ditshuri tinyumba tatingi ti na maha marumbi, tinyumba ta hombe, totshura ti na pwata vathu.

Isaya 13:12

Ni na maha ti to m'thu eva ni lisima ngutu, kupinda nzalama ya yinene, kupinda nzalama yo hehuka ya Ofiri.

Jeremiya 52:27

Se mfumeli wa Bhabhilona a to va dayisa e va daya kona Ribhila, ditikoni ka Hamati; ngu kumaha keto, Judha a to tekwa ditikoni kwakwe e tsuliswa wukhumbini.

Zefaniya 1:3

Ni na fuvisa vathu ni sihari, ni na fuvisa sinyana sa nzuma ni sihaka sa linene, ni sikhunguvanyiso sa va wubihi; kambe ni na fuvisa vathu txitimwi ka mafu, kuwomba Mkoma.