Isaya 6:10 - Bhiblia Yo Sawuleka

¹⁰ Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Isaya 6:10 Referans Kwoze

Matewu 13:15

Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

Mithumo 28:27

Nguko mbilu ya vathu vava yi bangile. Va tsivile tinzeve tawe, ve vhala maso awe, kasiku va si woni ngu maso, va si engisi ngu tinzeve, va si ti pfisisi ngu mbilu, kasi ku vona va si hunduluki. Ani nga ni di va hanyisile!’ ”

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Isaya 63:17

Ngu kutxani, awe Mkoma u hi mahako hi hambuka ka tinzila tako kani? U bangisela txani timbilu tathu kuva hi si ku thavi kani? Wuyisa tihunzu ta thomba yako, ngu kuranda sithumi sako.

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Masalmo 17:10

Va bangisile mbilu yawe ngu mafura va womba-womba ngu kutikulisa.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Masalmo 119:70

Timbilu tawe ti bangile, kha va engisi, aniko ani na tsaka ngu mlayo wako.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Eksodha 11:10

Mosi ni Aroni va mahetete sidiwukiso sotshe masoni ka Faro. Aniko Mkoma a bangisile mbilu ya Faro, e va lambela kuleka vanana va ka Israyeli va txi tsula, va txi huma ditikoni kwakwe.

Eksodha 10:27

Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Isaya 19:22

Se Mkoma a na dayisa Vaegipta e tshumela e va hanyisa; va na hundulukela ka Mkoma, ene a na engisa mikombelo yawe, e va hanyisa.

Eksodha 7:3

Aniko ani koko, ni na bangisa mbilu ya Faro, kambe ni na andisa mu ditikoni ka Egipta sikombiso sangu ni sidiwukiso sangu.

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

Dhewuteronome 31:20

Nguko mbimo yi ni no va hokisa ka ditiko dile di khulungako masi ni wulombe, adile ni nga thembisa ngu txixambanyo, ka vatate vawe, vona va na dya va txi khura, va na ena, kambe va na tshumelela ka simwani sizimu, va txi si khozela, va txi ni nyenya va txi hambunyeta txitumelelano txangu.

Masalmo 69:23

Maso awe ma na phume, kasiku va si woni; siwunu sawe si na zumbe si txi dhudhumela.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Sidilo 3:65

Awe u na va ninga kunavela ka mbilu, Mkoma, txiruko txako txi nawe txitimwi kwawe.

Zakariya 11:15

Se Mkoma a to khene kwangu: Ti tekele kambe wukhalo wa m'dyisi wa kwa mbi vhuna txilo.

Dhewuteronome 29:3

Sikarato sa hombe asi maso anu ma nga si wona, sidiwukiso ni sikombiso sa hombe.

Mavingu 16:30

A pfhumisa maso akwe e pimisela wubihi, e luma txisofu, e maha kubiha.

Ekleziyaste 3:3

mbimo ya kudaya, ni mbimo ya kuhanyisa; mbimo ya kuhaxula, ni mbimo ya kuaka;

Isaya 28:13

Ngu toneto, dipswi da Mkoma, di na va mlayo txitimwi ka mlayo, mlayo ni mlayo, txileleto txitimwi ka txileleto, txileleto ni txileleto: Kudotho hawa, kudotho hale; Kasi kuve tsula va txiwa ngu msana, ve funyeka, ve bzetwa, ve ñolwa.

Isaya 29:9

Swelani, se mi xamala, mi humula, ni kukwangula; va levile, aniko i si nga ngu vhinya; va tsimbila va txi dhedherekela, aniko na i si nga ngu sopa.