Isaya 6:1 - Bhiblia Yo Sawuleka

¹ Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

Isaya 6:1 Referans Kwoze

Johani 12:41

Isaya a wombile mapswi awa, nguko a woni kuphatima kwakwe, se e womba-womba ngu ngene.

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Dhaniyeli 7:9

Ani ni to simama ni wona, an'ze kuza ku txi vekwa situlu sa wukoma, se didhota da kale di to khalahatshi; syambalo sa dona i ti so basa kufana ni hunguva, ni misisi ya msungo ka dona i ti yo basa kufana ni matoya o basa; txikhalo txakwe txa wukoma txi ti fana ni titshatsha ta mndilo, ni mathandani a txona ma ti fana ni dituro da mndilo.

Masalmo 113:5

I mani a fananako ni Mkoma, Txizimu txathu, txi zumbako txitimwi ngutu.

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 108:5

Txizimu, kombisa wuhombe wako nzumani u txi kombisa mtamo wako ha mafuni!

Mtuletelo 4:2

Kunukunuko ni to susumetwa ngu Moya: Konako ni to wona txikhalo txa wukoma nzumani, se ha txikhaloni ku ti ni mmweyo a nga ti khalahatshile ka txonetxo txikhalo txa wukoma.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Mtuletelo 5:1

Msana keto, ni to wona awule a nga ti khalahatshile ha txikhaloni ka wukoma, a di ñote, ngu dianza da txinene, dibhuku do bhalwa mndani ni hahanze di di lemilwe ngu sixambanyo sa mtxhanu ni simbidi.

1 Timoti 6:16

awu i ku ekha wa wutomi wo mbi guma, a zumbako kuwonekelani ko mbi manelwa, awu a nga mbi wonwa, kambe asi sikotiko kuwonwa ngu m'thu ni wammweyo; kwakwe ku nave ni txithavo ni wukoma wo mbi guma. Amen!

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Ezekhiyele 10:1

Msana keto, ni to wona ndengalenga ya txitimwi ka misungo ya makerubhima, yi to woneka txitimwi kwawe ni dirigwi da safira, do wonekisa kufana ni txitulu txa wukoma.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Mtuletelo 6:16

Ve gela mimango ni marigwi va txi: Khundumukani mi txi hi khubhunyeta, mi hi sisa ka khohe ya wu a nga khalahatsha ha txikhaloni ka wukoma, ni ka kuhenya ka Txinvutana,

2 Vafumeli 15:7

Se Azariya a to otela ka vatate vakwe, ve mtshosha hafuhi ni vatate vakwe, Didhoropani ka Dhavhidha; se mwanana wa kona Jothamu, a to fuma ka wukhalo wakwe.

Mtuletelo 5:7

Txinvutana txile txi ti ya amukela dibhuku ka dianza da txinene da wule a nga khalahatsha ha txikhaloni ka wukoma.

Mtuletelo 4:3

Awule a nga ti khalahatshile ka txona, a ti ni khohe yo nga dirigwi da jasperi ni da sardoniya, se wulaho wa nzumani wu ti ranganyetile txikhalo txa wukoma ngu kukhetima ko nga dirigwi da esmeraldha.

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

2 Makronika 18:18

A to khene kambe: Engisani dipswi da Mkoma koko. Ani ni woni Mkoma a di khalahatshile txikhaloni txakwe txa wukoma, ni dotshe dibutho da yimbi ya ni nzumani, di di emile didhawani da txinene ni da txibhabha.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Dhaniyeli 10:17

Ina txithumi txa nyamne wangu txi nga wombawombisa kutxani ni nyamne wangu kani? Nguko, i di ani, kukhukhela ka konkuwa ni gumile mtamo, kha ni sikoti ni kuhefemula.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Jobe 42:5

Ni ti engisile va txi womba ngu ngawe, se konkuwa, na kuwona ngu maso angu nipune.