Isaya 59:6 - Bhiblia Yo Sawuleka

⁶ Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Isaya 59:6 Referans Kwoze

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Isaya 57:12

Ani ni na pfalisa kululama kwako ni mithumo yako, aniko kha va na mbi kulondola.

Zefaniya 1:9

Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Mika 2:8

Kambe i ngadi konkuwa vathu vangu va nga ni wukela kufana ni mlala; mi runduwute dijasi txitimwi ka syambalo sa vale va nga ti ti pinda va di tsani, ku nga vavamna va nga ti ti wuya ngu yimbini.

Amosi 6:3

Anu mi kulisako ditshiku do biha, mi ya ka wukhalo wo thisa.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Ezekhiyele 7:23

Maha txhini, nguko mafu ma tate ngu wubihi wo theketa mnoha, kambe didhoropa di tate ngu kulwisana.

Ezekhiyele 7:11

Kulwisa ku gulekile kumaha ndonga ya kwa mbi na wumbilu; kha ku na mbi sala txilo kwawe, hambi ka kutala kwawe, mwendo dirumbi dawe, kambe kha ku na mbi va ni ku dilwa kwawe.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Isaya 58:4

Wonani taku mi ti tona sakudya, mi lwisana ni kukanetisana, mi pekana ngu sibhakela hahanze ka mnandu; mi nga ti toniseni ku nga ti ta nyamsi, ngu kulava kupfalisa dipswi danu txitimwi.

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Masalmo 58:2

Aniko, mi luka makuhu mbiluni, mi wusa mazunga ha ditikoni ngu manza anu.

Genesisi 6:11

Ditiko di ti tate ni kubiha masoni ka Txizimu, ni kuva di ti tate ni wugevenga.

Jobe 16:17

hambiko ku singako ni kulwa manzani kwangu, ni mkombelo wangu wu nga mbi sawuleka.

Ezekhiyele 18:12

a txi xanisa txisiwana ni wule wo pwata, a txi pa, kambe asi tshumeti sile so vekiswa, a gulako maso akwe me wonetela sithombe, e mahetela to nyenyeza,

Malakiya 2:16

Nguko Mkoma, Txizimu txa ka Israyeli, a khene: Na vengela kulekana, ni wule a sisako kulwisana ngu syambalo sakwe, kuwomba Mkoma wa Mabutho a Tiyimbi; ngu toneto, ti xayiseni mimoyani kwanu, kambe mi nga lekeni mlayo.

Masalmo 55:11

Mndani ka didhoropa kumaneka wubihi; magondoni ka dona kha ku gwiti kuxanisana ni kuxengetelana.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Zefaniya 3:1

Dikhombo ka wule wa ku ti lambisa ni kutinyenyezisa, didhoropa da kutsindaveta!