Isaya 59:4 - Bhiblia Yo Sawuleka

⁴ Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 59:4 Referans Kwoze

Jobe 15:35

Va ni sirumbu sa mthumo wo veleka wubihi, se tindani kwawe kululamisela wukanganyisi.

Jakobe 1:15

Msana keto, kunavela ko biha, ka mana txirumbu, kuveleka txionho, se txionho txa vitwa txi veleka lifo.

Jeremiya 7:8

Anu mi themba timhaka ta makuhu ti si mi vhuniko txilo.

Jeremiya 7:4

Mi nga thembeni timhaka ta makuhu, mi txi khanu: Dithepele da Mkoma, Dithepele da Mkoma, Dithepele da Mkoma ngu dona diya!

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Isaya 59:3

Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Jobe 15:31

A nga thembe ta wugwili wakwe, e ti kanganyisa apune, nguko wukanganisi i nava hakhelo yakwe.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 26:18

Hi ti ti ni sirumbu athu, hive ni kupanda ko lava kuveleka, aniko eto kha ta hambana ni kuve moya; kha ha tisa kutxhatxhisa ha mafuni, kambe kha vawa vahanyi va ha mafuni.

Isaya 28:15

Nguko mi khanu: Hi mahile txitumelelano ni lifo, hi mahile txitumelelano ni wukhalo wa vafi; mbimo yi ku no pinda ndambi ya txitsayiso, kha yi na mbi hi hokela, nguko hi tekile makuhu hi ma maha wuthavelo wathu, se hi baramile hahatshi ka wukanganyisi.

Isaya 29:20

Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Isaya 33:11

Mi khuri txirumbu txa mwasi wa kuoma, mi na veleka mwasi wa kuoma, moya wanu wu na mi tshokomisa nga mndilo.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Isaya 47:10

Nguko u thembile wubihi wako, se u txi khawe: Kha ni wonwi ngu m'thu; wutxhari wako ni wuzivi wako, eso si ku hambukisile, se u ti khawe mbiluni kwako: “Ani ngani, hahanze kwangu, kuwalo mmwani.”

Isaya 59:15

Ina, ditshuri da thidhela, se awule a lekako wubihi a ti lavela kuhandwa; se Mkoma a ti woni, ti si mutsakisi, nguko kha ku nga ni wululamo.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Masalmo 7:15

A kete diphala a txi di hokomisa kambe a tshumete a txi wela ka dona.

Masalmo 12:3

Va fuvise, Mkoma, vakanganyisi, ni votshe vale va wombawombako ngu kutikulisa,

Mithumo 24:9

Se Vajudha ni vona va to ema nayo, va txi kha vona: “Kha ditshuri ngu toneto.”