Isaya 59:16 - Bhiblia Yo Sawuleka

¹⁶ Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Isaya 59:16 Referans Kwoze

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Isaya 41:28

Se mbimo yile ni nga wona, ku si nga ni m'thu; hambi hagari ka madhota, ku si nga ni wa ku muwotisa, mwendo wa ku ni xamula dipswi.

Marku 6:6

A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Isaya 33:2

Mkoma hi mahele wumbilu! Hi verete; u nave awe mtamo wathu ditshiku ni ditshiku, kambe uva m'hulukisi wathu, ka mbimo ya kuxaniseka.

Isaya 33:3

Vamatiko va txipfa diguwa dako, vo tutuma; u txi wuka, matiko mo hangalaka.

Isaya 40:10

Wonani taku Mkoma Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.