Isaya 59:13 - Bhiblia Yo Sawuleka

¹³ hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 59:13 Referans Kwoze

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Jakobe 1:15

Msana keto, kunavela ko biha, ka mana txirumbu, kuveleka txionho, se txionho txa vitwa txi veleka lifo.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Matewu 10:33

Aniko awule a no ni lamba masoni ka vathu, nanani ni na mlamba masoni ka Tate wangu a ku nzumani.

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Hoseya 1:2

Makhato a dipswi da Mkoma ngu ka Hoseya; Mkoma a to khene koko ka Hoseya: Tsula uya teka wamsikati wa wugelegele ni vanana va wugelegele; nguko ditiko di mahile wugelegele, ngu kutshuralela Mkoma.

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 5:23

Aniko ava vathu va ni tutumile, kambe va ni mbilu ya wukaneti; va tiwukile, ve tsula.

Jeremiya 3:20

Ngu ditshuri nga ha wamsikati a mahako wubhemba ha mwayani kwakwe, ngu toneto, nyumba ya ka Israyeli mi si thembeki kwangu, kuwomba Mkoma.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Isaya 31:6

Hundulukelani ka wule koko vanana va ka Israyeli va nga mtshuralela ngutu.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Masalmo 18:21

nguko ani ni londetile tinzila ta Mkoma kha ni zivi kutshuralela Txizimu txangu.

Joxuwa 24:27

Joxuwa a wombile kambe ka vathu a txi khene: “Wonani dirigwi diya di na va fakazi yi yi no hi mangalela athu, nguko dona di engisile otshe mapswi awa Mkoma a nga hi gela; di na va fakazi kwathu, kasiku, anu mi; si kaneti Txizimu txanu.”

Jobe 31:28

ni tona, tiya ti ndi nave tingana, to dingana kuyiswa ka mlamuli; ngutu koko, ni ndi na kaneta Txizimu txi txi ku txitimwi.

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Jeremiya 12:8

Thomba yangu yi ni wukela ku nga ngonyamo amu txitingani; yi ni bongela, ngukonaho, ni swirekile ngu yona.

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Jeremiya 2:16

Hambi ni vanana va Nofa ni va Takapanesi va bhandile dithafurafu dako!

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Hoseya 7:1

Mbimo yile ani ni nga kalamukisa Israyeli, se ku tumbutwe wubihi wa Efrayime, kufana ni wubihi wa Samariya, nguko va mahile ta makuhu, se dikhamba di wulela, kambe mtxawa wa sigevenga wu txipa kheno hahanze.