Isaya 59:12 - Bhiblia Yo Sawuleka

¹² Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Isaya 59:12 Referans Kwoze

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Ezekhiyele 5:6

Ene koko, valamuli vangu a va onhisile ngutu kupinda matiko, ni sileleto sangu kupinda matiko ale ma nga mrandela; nguko va lambile wulamuli wangu, kambe kha va londisa silayelo sangu.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Ezekhiyele 7:23

Maha txhini, nguko mafu ma tate ngu wubihi wo theketa mnoha, kambe didhoropa di tate ngu kulwisana.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Masalmo 51:3

Nguko ani, na si ziva sihambunyeto sangu yotshe mbimo ni khumbuka sionho sangu.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Habhakuki 1:4

Ngu mhaka yiya, mlayo wa hungulwa mtamo, se timhaka kha ti nja nga hoka magwito; nguko m'bihi a randela wule wo lulama, se timhaka ti lamulwa ngu nzila yo wekela.

Isaya 64:4

Nguko kukhukhela ka kale kha ka pfiwa, hambi ngu tinzeve kha ka engiswa, hambi ngu maso kha ka wonwa Txizimu tximwani, txi txi mahako mithumo ka vale va txi thembako.

Ezekhiyele 7:16

Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.