Isaya 59:10 - Bhiblia Yo Sawuleka

¹⁰ Hi hulumetela maseta kufana ni mabhofu; ina, hi hulumetela kufana ni vale va singako ni maso, hi gutwa ni mitshikari kufana ni txidema, hagari ka makhalo a txidema, hi fana ni sirumbi.

Isaya 59:10 Referans Kwoze

Dhewuteronome 28:29

ni mitshikari, u na tsimbila ngu kumbumbutela nga dibhofu, adi di mbumbutelako mtemani, mithumo yako kha yi na mbi humelela kotshe tinzilani kwako. U na xuphwa u txi handwa otshe masiku, ku si maneki ni wammweyo wo kuvhikela.

Jobe 5:14

Vona hambi di ti txite va maneka txidemani; se ni mitshikari va tsimbilisa kumbumbutela, nga ova wusiku.

Sidilo 3:6

A ni zumbisile txidemani, kufana ni vathu va vangafa kale.

1 Johani 2:11

Kambe awu a vengelako mwanawe, a txidemani, a tsimbila txidemani, kha zivi mu ayako kona, nguko txidema txi fayile maso akwe.

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Johani 12:35

Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Sidilo 4:14

Vo nga mabhofu amu tinzilani, va tsimbila va di nyetisetwe ngu mnoha, a ha ko ni wammweyo kha sikoti kugwesa syambalo sawe.

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Isaya 8:15

Se vavangi hagari kwawe, va na gumulwa ngu dona, va txi wa, ve funyeka; va na bzwetwa, ve ñolwa.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

Isaya 28:13

Ngu toneto, dipswi da Mkoma, di na va mlayo txitimwi ka mlayo, mlayo ni mlayo, txileleto txitimwi ka txileleto, txileleto ni txileleto: Kudotho hawa, kudotho hale; Kasi kuve tsula va txiwa ngu msana, ve funyeka, ve bzetwa, ve ñolwa.

Ezekhiyele 21:15

Kasi ku ti txi thidhela timbilu tawe, ku txi tala siphariyeta, ka sotshe sike sawe, ni vekile tshoka ya ditxhari, do fana ni nyangafula, yo rumelwa kuya daya!

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.