Isaya 57:7 - Bhiblia Yo Sawuleka

⁷ U veka m'bhedhu wako txitimwi ka mimango yo lapha, ni kuguleka; se u kwela ka yona u maha miphaxo.

Isaya 57:7 Referans Kwoze

Ezekhiyele 23:41

Kambe u khalahatshile ha m'bhedhuni ka lisima, eho ku ngadi lulamisetwe meza; se u to ya sanzeka ka yona dibaselo dangu ni mafura angu.

Ezekhiyele 16:16

Kambe u tshurisete makhalo o guleka ngu syambalo sako sa mixowo yo tala, u txi maha wugango txitimwi ka sona; to nga eto kha ti zivi kumaheka, kambe kha ti na mbi ngadi ti maheka.

Jeremiya 2:20

Nguko ngale ni di funyile dikange dako, ni bhenula tingoti tako, u nje khawe: Na mbiswa ni txi thuma, nguko u sisate ka yotshe mimango yo guleka, ni hahatshi ka yotshe mindonga yo nyuka, u maha wugango.

Ezekhiyele 16:25

Ka otshe mahandakanya u akile makhalo o guleka, u nyenyezisile kutshura kwako, u randanile ni votshe vapindi va nzila; kambe u andisile wugelegele wako.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Ezekhiyele 23:17

Sekoko vanana va Bhabhilona va to mtela, va txi otela nayo ha ditahoni ka lirando; se ene a to ti nyenyezisa navo; sekoko moya wakwe wu hambana navo.

Isaya 57:3

Aniko tshuketani hawa, anu vanana va mloyi wa txisikati, anu liveleko la wugango ni wugelegele.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Ezekhiyele 16:24

u ti akete nzuma u maha makhalo o guleka ka totshe tinzila.

Ezekhiyele 6:13

Sekoko mi na tiziva taku ani ngani Mkoma, mbimo yile sirumbi sawe si no maneka hagari ka sithombe sawe, madhawani ka siluvelo sawe, ni ka sotshe simangwana so guleka, kotshe titshokani ka mimango, ni hahatshi ka yotshe mindonga yo nakana, ni hahatshi ka mikusu, ka wukhalo wule va nga ti ti ningela mafura o bhumula, ka sotshe sithombe sawe.