Isaya 57:5 - Bhiblia Yo Sawuleka

⁵ mi ti futumetako ngu sithombe hahatshi ka yotshe mindonga yo nakana, mi phaxa ngu vanana sinambwanani, ni tiphakoni ka marigwi, kani?

Isaya 57:5 Referans Kwoze

Ezekhiyele 16:20

Hahanze keto, u tekile vanana vako va majaha ni vamahorana, avale u nga ni velekela, u txi phaxa ngu vona ka sona, va txi tshokomiswa; ina wugango wako mbudotho kani?

Isaya 1:29

Nguko mi na wa tingana ngu mhaka ya mikusu yile mi nga yi navela, mi na wiswa tingana ngu mhaka ya tithembwe tile mi nga ti sawula.

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Jeremiya 2:20

Nguko ngale ni di funyile dikange dako, ni bhenula tingoti tako, u nje khawe: Na mbiswa ni txi thuma, nguko u sisate ka yotshe mimango yo guleka, ni hahatshi ka yotshe mindonga yo nyuka, u maha wugango.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

Mtuletelo 18:3

Nguko ene a levisile mifumo yotshe ngu vhinya ya txiviti txa wugelegele wakwe, vafumeli va ditiko va mahile nayo wugango, vaxavisi va ha mafuni va mahile va nyatithombe, ngu mhaka ya kubomba kwakwe ka wubhemba.”

Ezekhiyele 20:31

Se mbimo yi mi ningelako miningelo yanu, kambe mi pindisa vanana vanu ngu ha mndiloni, ina hi nga ku mi nga ti nyenyezisa ngu sithombe sanu kala ka ditshiku diya kani? Se mi ndi na ni wotisa ta txani, anu va nyumba ya ka Israyeli kani? Na hanya ani, kuwomba Mkoma Txizimu, taku anu kha mi na mbi ni wotisa txilo.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Ezekhiyele 6:13

Sekoko mi na tiziva taku ani ngani Mkoma, mbimo yile sirumbi sawe si no maneka hagari ka sithombe sawe, madhawani ka siluvelo sawe, ni ka sotshe simangwana so guleka, kotshe titshokani ka mimango, ni hahatshi ka yotshe mindonga yo nakana, ni hahatshi ka mikusu, ka wukhalo wule va nga ti ti ningela mafura o bhumula, ka sotshe sithombe sawe.

Jeremiya 51:7

Bhabhilona i ti ti kopo ya nzalama manzani ka Mkoma, ayi yi nga ti ti levisa dotshe ditiko; Matiko ma sete vhinya yakwe; ngu mhaka yeto matiko ma xangile.

Jeremiya 50:38

Ku hisa ku na omisa mati akwe; nguko ditiko da sifananiso so mahwa, kambe sa va henyisa.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 17:2

vanana vawe va ti ti alakanya siluvelo sawe ni sifananiso sawe sa Aseri hahatshi ka mindonga yo nyuka mimangoni.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

2 Makronika 28:3

Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

2 Vafumeli 17:10

Va to aka sithombe, ni so vatwa, ka sotshe siluvelo sa mimangoni, ni hahatshi ka yotshe mindonga yo nakana.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

Dhewuteronome 12:2

Mi na ya haxulela otshe makhalo awa vathu va mi yelako kuya va khozisa, va nga ti khozela ka ona sizimu sawe, txitimwi ka mimango ya hombe, amu ka mimango yo guleka ni mu ka simangwana, ni hahatshi ka yotshe mindonga yo nakana;

Mitengo 25:6

Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano.

Eksodha 32:6

Mangwanani ka kona ni mixo, va to wuka, va txi humisa miningelo yo hiswa, ni miphaxo ya kudikha. Vathu votshe va to khalahatsha va txi dya ni kusela; msana keto, va to khukha ve humula.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.