Isaya 57:3 - Bhiblia Yo Sawuleka

³ Aniko tshuketani hawa, anu vanana va mloyi wa txisikati, anu liveleko la wugango ni wugelegele.

Isaya 57:3 Referans Kwoze

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Luka 3:7

Se a to gela mabutho a vathu va nga txi ta ku ta bhabhatiswa ngene, a txi khene: “Lixaka la timamba, mi layilwe ngu mani kuthava kuhenya ku kutako kani?

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Hoseya 1:2

Makhato a dipswi da Mkoma ngu ka Hoseya; Mkoma a to khene koko ka Hoseya: Tsula uya teka wamsikati wa wugelegele ni vanana va wugelegele; nguko ditiko di mahile wugelegele, ngu kutshuralela Mkoma.

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.

Isaya 1:21

Eto di nga wekelisa tona didhoropa do thembeka! Adi di nga ti tate ngu wululamo! Wululamo wu ti akile ka dona, aniko konkuwa, didhoropa da wudayi.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Isaya 48:16

Tshuketani kwangu mi ta engisa tiya: Kukhukhela kukhatani kha na womba-womba txihujani; kukhukhela mbimo yile timhaka tile ti nga maheka ani ni ti tiho; se konkuwa, Mkoma Txizimu a ni rumete Moya wakwe.

Isaya 57:7

U veka m'bhedhu wako txitimwi ka mimango yo lapha, ni kuguleka; se u kwela ka yona u maha miphaxo.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

Jeremiya 3:9

Se Israyeli a to nyenyezisa ditiko ngu wugango wakwe wo thisa, nguko a wu mahile ni marigwi ni sitsha.

Hoseya 2:4

ni si pfeli wumbilu vanana vakwe, nguko vanana va wugelegele.

Hoseya 2:6

Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe.