Isaya 57:2 - Bhiblia Yo Sawuleka

² Ene a na wulela ngu kuthutha; va na humula mibhedhuni kwawe, vale va no maneka va di tsimbite kululamani kwawe.

Isaya 57:2 Referans Kwoze

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Luka 2:29

“Mkoma, se konkuwa u nga sikota kuleka txithumi txako txi tsula ngu kudikha, nga kuwomba kwako,

Jobe 3:17

Eho, vo biha va tandeka kukhulumetela; se avale vo karala va humula kona.

2 Vakorinto 5:8

Athu hi ku ni kuthemba, hi navela kuhuma ka mmidi wuwa hi txi ya zumba ni Mkoma.

Luka 7:50

Aniko ene a to gela wu wamsikati, a txi khene: “Likholo lako li ku hanyisile; tsula ngu kudikha.”

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

2 Makronika 16:14

A to tshotshwa ka dithitha di a nga ti mahela Didhoropani ka Dhavhidha, va di mu otelisile ka mbhedo wo tala ngu kubhumula, ni makha si nga longiselwa ngu va va tizivako; ve mu hisela ni mabaselo o tala o bhumula ngutu.

Luka 16:22

Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”

Ezekhiyele 32:25

Hagari ka vale va nga dayelwa, va m'vekete m'bhedhu hagari ka dotshe dibutho dakwe; madhawani kwakwe ku ni mathitha awe; votshe makhutu, va nga dayelwa ngu ditxhari; nguko va wusile kuthava mafuni ka vo hanya, kambe va rwate tingana tawe kumweko ni vale va nga relela diphalani; a to vekwa hagari ka vale vo dayelwa.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Isaya 26:7

Nzila ya wo lulama, yi lulamile yotshe, awe ngu kululama, u pima matsimbilelo a mlulami.

Isaya 14:18

Votshe vafumeli va matiko, vona votshe, va tshotshilwe ngu txithavo, mmweyo ni mmweyo m'tini kwakwe.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

Dhaniyeli 12:13

Awe koko, Dhaniyeli, tsanisela kala magwito; nguko u na humula kambe u na zumba ka dikato dako, ngu magwito ka masiku.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.