Isaya 57:16 - Bhiblia Yo Sawuleka

¹⁶ Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Isaya 57:16 Referans Kwoze

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Masalmo 85:5

Ina txiviti txako txi na simama kala kupinduka kani? U na simama u txi hi henyela ngu ka liveleko ni liveleko kani?

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Jeremiya 10:24

Awe Mkoma, ni tsayise, aniko ngu lipimo li ni dinganako, na i si nga kuhenya kwako, ti taku u txi ni lovisa.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Jeremiya 3:5

Ina a na va ni txiviti kala kupinduka kani?” Awe u wombile tongeto. Aniko u maha ti ti nga biha uza u ti hetisa.

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

2 Samuwele 24:16

Mbimo yile Ngelozi koko yi nga guleta dianza da yona txitimwi ka Jerusalema, kasiku khundumusa, Mkoma a to tilaya ngu wubihi wule; a nje khene ka Ngelozi yile yi nga ti ti xasela hagari ka vathu: Tidingani, konkuwa thavisa dianza dako. Se Ngelozi ya Mkoma yi ti ti emile hafuhi ni txizenda txa Arawuna, Mujebhusi.

Jobe 12:10

ni ti to mihefemulo ya sotshe si si hanyako, ni moya wa votshe vathu, si manzani ka Tizimu kani?

Isaya 27:8

Ngu mpimo u lwite nayo mbimo yile u nga mlamba; ene a mthavisile ngu moya wakwe wa hombe, ngu mbimo ya moya wa wutxani.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.