Isaya 55:8 - Bhiblia Yo Sawuleka

⁸ Nguko mialakanyo yangu, hi nga mialakanyo yanu, ni tinzila tanu, hi nga tinzila tangu, kuwomba Mkoma.

Isaya 55:8 Referans Kwoze

Masalmo 92:5

Mkoma, mithumo yako nja hombe ngutu, mapimo ako ma etile ngutu!

Masalmo 40:5

Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Ezekhiyele 18:29

Hambi keto nyumba ya ka Israyeli yi kha yona: Nzila ya Mkoma kha ya lulama. Ina tinzila tangu kha ta lulama, awe nyumba ya ka Israyeli kani? Ina tinzila tanu kha ta gombonyeka kani?

Masalmo 25:10

Totshe tinzila ta Mkoma ndo kateka ni ditshuri, ka vale va vekisako txitumelelano txakwe ni sirumo sakwe.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Mavingu 21:8

Nzila ya m'thu wo biha njo xanisa ngutu, kambe mithumo ya wo sawuleka njinene.

Mavingu 25:3

Kuguleka ka nzuma ni kutshima ka mafu, kha ku na kuxolwa, hambi ni timbiluni ka vafumeli.

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Masalmo 33:11

Aniko makungo a Mkoma ma zumba mbimo yotshe; mipimiso ya mbilu yakwe ya simama ka liveleko ni liveleko.

Isaya 14:24

Mkoma wa Mabutho a Tiyimbi a xambanyile, a txi khene: Ati ni nga ti pimisa ti na mahisa toneto; se ati ni nga womba ti na mahekisa toneto.

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Isaya 65:2

Ni nawulutile manza ditshiku dotshe, ka vathu va i ku vakaneti, va tsimbilako ngu tinzila to biha, ve ti mahela ti ti ku mapimoni kwawe;

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

Jobe 35:5

Hi nga dwe, u wonetela nzumani; u wonisisa marefu o guleka ngutu, ma ku txitimwi ngutu kupinda awe.