Isaya 55:6 - Bhiblia Yo Sawuleka

⁶ Lavani Mkoma a txi ngadi e maneka, m'dhaneni a di ngadi hafuhi.

Isaya 55:6 Referans Kwoze

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Masalmo 14:2

Mkoma a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Amosi 5:6

Lavani Mkoma mi na hanya, kasi ku si rinzwi mndilo ka nyumba ya ka Josefa, wu txi yi tshokomisa, ku si maneki ni wammweyo Bheteli, wa ku yi tima.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Jobe 8:5

Aniko ngako ngu mabimbi-kutxa u txi xota Txizimu, ni kukombela wumbilu ka wu wa Mtamo-wotshe,

Dhewuteronome 4:7

Nguko ngu wuhi mfumo wa hombe, awule sizimu sa kona si ku hafuhi kufana ni Mkoma, Txizimu txathu, ka sotshe sikhati sile hi mkhongelako kani?

Masalmo 95:7

Ene i Txizimu txathu, se athu hi ngamu yakwe; hi tinvuta ta mtxhambi wu ene a wu dyisako. Nyamsi engisani dipswi da Txizimu:

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Masalmo 148:14

Ene a ningile mtamo ni mfumo ka vathu vakwe, kasiku vasawuleki vakwe va txi m'dhumisa; vona vanana va ka Israyeli, i ku ngamu yakwe a yi randako. Dhumisani Mkoma!

Ezekhiyele 8:6

Se Txizimu txi to kha txona kwangu: Awe mwanana wa m'thu, Ina wa ti wona ti va mahako kani? Kunyenyeza ka hombe kumahwako ngu nyumba ya ka Israyeli hawa, kasi ku ni khukha ka wukhalo wangu wo sawuleka kani? Aniko u ngadi u txi na wona manyala a hombe kupinda awa.

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

Masalmo 75:1

Ha kubonga, awe Txizimu, athu ha kubonga! Ha dhana ditina dako; hi txi pfalisa sidiwukiso sako.

Vaefesu 3:13

Ngu konaho, na mi kombela, mi si rereki ngu mhaka ya sixaniso sangu sa ku mi xuphekela, nguko kwanu, eto i mhaka ya kupfaliswa kwanu.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Matewu 5:25

“Kuluveta u txi divalelana ni wu u phikizanako nayo, u di ngadi ha nzila kumweko nayo, kasiku asi ku ningeli ka mlamuli, awuwa nene a no kuningela ka diphoyisa, se ve kurumela ku khotelwani.

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Jeremiya 25:5

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya Mkoma a nga mi ninga ni vatate vanu, kukhukhela kaleko kala kupinduka.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Ezekhiyele 14:6

Ngu kumaha keto, womba ka nyumba ya ka Israyeli u txi khawe: Mkoma Txizimu a khene: Hundulukani, mi txi leka sithombe sanu, tshemberisani tikhohe tanu mi si woneteli manyala anu.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.

Ezra 10:2

Sekaniya, mwana Jeyeli, mmweyo wa vanana va Elamu, a to xamula a txi khene ka Ezra: Athu hi ti nga eyisa Txizimu txathu, hi tekile vasikati va mamwani matiko, hambi keto, ka yona mhakeyo, ku nga diho kuthemba ka Israyeli.

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.